تالانتتار تانىلدى

«انا ءتىلى», «ەكونوميكا», «ۋي­عۋر اۆازي» گازەتتەرى مەن «اقي­قات», «مىسل», «ۇركەر» جۋرنال­دارى بار «قازاق گازەتتەرى» جشس باس­شىلىعى, سونداي-اق «ۇركەر» جۋر­نالىنىڭ ۇجىمى وتكەن جىلى «ۇركەر – ءۇمىت» بايگەسىن جاريا­لاعان ەدى. جاقىندا سول بايگەنىڭ قورىتىندىسى شىعارىلدى. ءبىر جىل ىشىندە جۋرنال رەداك­تسياسىنا 50-گە جۋىق ۇمىتكەردىڭ تۋىندىلارى تۇسكەن ەكەن. قا­زىلار القاسىنىڭ تياناقتى سا­راپ­تاۋىنان كەيىن پروزا جانرى بويىنشا ءبىرىنشى ورىنعا – استا­نالىق ەلميرا ەرىكقىزى, ەكىنشى جۇلدەگە تالدىقورعاندىق اسحات ءومىرباي يە بولسا, ءۇشىنشى ورىن ماڭعىستاۋلىق اللابەرگەن قونار­بايدىڭ ەنشىسىنە ءتيىپتى. ال پوە­زيا جانرى بويىنشا ءبىرىنشى ءجۇل­دەنى – استانالىق دينارا مالىك, ەكىنشى ورىندى – اتىراۋلىق گۇل­ميرا سۇيەكەنوۆا, ءۇشىنشى ورىندى – الماتىلىق ەرعالي باقاش قان­جىعاسىنا بايلاپتى. سول سەكىلدى ەكى جانر بويىنشا ىنتالاندىرۋ سىيلىقتارىن نارلىبەك قاناعاتوۆ پەن الماتىلىق قايىربەك شاعىر العان ەكەن. جۇلدە العان شىعارمالار «ءۇر­كەر» جۋرنالىندا جاريالا­نۋىمەن قاتار, «زاڭعار» شىعار­ماشىلىق بىرلەستىگىنىڭ قولداۋى­مەن جەكە كىتاپ بولىپ جارىق كورەتىنىن دە نازارعا سالا كەتسەك دەيمىز. جەڭىمپازدارعا ديپلوم مەن زاتتاي سىيلىقتاردى «قازاق گازەتتەرى» جشس-نىڭ باس دي­رەك­تورى جۇمابەك كەنجالين, «ءۇر­­كەر» جۋرنالىنىڭ باس رەداك­تورى قۋاندىق تۇمەنباي, وزگە دە ازاماتتار ىستىق ىقىلاسپەن تاپ­سىرىپ, شىعارماشىلىق تابىس تىلەدى. سۇلەيمەن مامەت.