قىلمىستىق جازا ىزگىلەندىرىلەدى

سارسەنبى كۇنى «نۇر وتان» حدپ ورتالىق اپپاراتىندا «ەكونوميكالىق قىلمىستار ءۇشىن قىلمىستىق جاۋاپكەرشىلىكتى ودان ءارى ىزگىلەندىرۋ» تاقىرىبىندا دوڭگەلەك ۇستەل بولىپ ءوتتى. «نۇر وتان» حدپ ەلىمىزدەگى قۇ­قىقتىق جۇيەنى جەتىلدىرۋ, قىل­مىستىق جازانى ىزگىلەندىرۋ جانە قىلمىستى ازايتۋعا باعىتتالعان مەملەكەت باسشىسى, پارتيا ءتور­اعاسى نۇرسۇلتان نازارباەۆتىڭ ساياساتىن ىسكە اسىرۋ ماقساتىندا بەلسەندى قىزمەتتەر اتقارىپ كەلەدى. اتالعان وتىرىس تا وسى ماق­ساتتىڭ ۇدەسىنەن تۋىنداعان-تىن. وتىرىس بارىسىندا پرەزيدەنت ن.نازارباەۆتىڭ قىلمىستىق زاڭنامانى ودان ءارى ىزگىلەندىرۋ جونىندەگى تاپسىرماسىنا سايكەس ازىرلەنگەن قىلمىستىق كودەكسكە ەنگىزىلەتىن وزگەرىستەر مەن تولىق­تىرۋلار تالقىلاندى. تالقىلاۋعا پارلامەنت دەپۋتاتتارى, الەۋەتتى قۇرىلىمدار مەن باسقا دا مەملەكەتتىك ورگاندار, بيزنەس-قاۋىم­داستىقتار وكىلدەرى, قۇقىقتانۋ­شى عالىمدار قاتىستى. دوڭگەلەك ۇستەلدە «نۇر وتان» حدپ ءتور­اعاسىنىڭ ءبىرىنشى ورىنباسارى نۇرلان نىعماتۋلين ءسوز سويلەپ, اتالعان زاڭ جوباسى ەلباسىنىڭ تاپسىرماسىنا سايكەس ازىرلەنىپ وتىرعانىن, ەندىگى ماقسات وسى زاڭنىڭ جەدەل قابىلدانۋىن قام­تاماسىز ەتۋ ەكەنىن اتاپ ءوتتى. «قا­زىرگى قىلمىستىق زاڭنامادا كورسەتىلگەن كەيبىر كوزقاراستار مەن پرينتسيپتەر حح عاسىردىڭ 50-ءشى جىلدارىندا نەگىزى قالان­عان قاعيداتتارمەن ۇندەس. بۇگىنگى نارىقتىق ەكونوميكا جاعدايىندا جانە قوعامدى ىزگىلەندىرۋ قاجەت­تى­لىگى كەزىندە ولاردىڭ ەسكىرگەندىگى كوزگە ۇرىپ تۇرادى. سوندىقتان بىزگە جازا كەسۋ ينستيتۋتىنىڭ جاڭا الگوريتمى قاجەت», دەدى ول ءوزى­نىڭ سوزىندە. جاڭا زاڭ جوباسى مەملەكەت پەن قوعامعا ۇلكەن اۋىرتپالىق تۇسىرمەيتىن نەمەسە اۋىرلىعى ورتاشا ەكونوميكالىق قىلمىس­تار­دىڭ جاۋاپكەرشىلىگىن ىرىقتان­دىرۋ­عا, سونداي-اق كاسىپكەرلەردى قورعاۋعا باعىتتالعان. سونىمەن قاتار, بۇل جوبا قىلمىستىق زاڭ­نامانى ىزگىلەندىرۋ ءۇردىسىن دامى­تادى. سونىڭ ىشىندە ەكونومي­كا­لىق قىلمىس جاساعان ادام كەلتىرىلگەن زياندى ءوز ەركىمەن قال­پى­نا كەلتىرسە جانە م ۇلىكتىك شى­عىن­دى وتەسە, باس بوستاندىعىنان ايىرۋ تۇرىندەگى جازادان بوسا­تىلاتىن بولادى. جازا تۇرىندە ەكونوميكالىق سانكتسيالاردى قول­دانۋ تاجىريبەسى ارتادى. دوڭگەلەك ۇستەل وتىرىسىنىڭ قورىتىندىسى بويىنشا ۇكىمەت پەن پارلامەنتكە ۇسىنىستار ءازىر­لەنىپ جىبەرىلەتىن بولدى. سونى­مەن قاتار, زاڭنىڭ جەدەل قابىل­دا­نۋىن قامتاماسىز ەتۋ ءۇشىن پار­لامەنت ماجىلىسىندەگى «نۇر وتان» حدپ فراكتسياسىنا دا زاڭ جوباسىن پارلامەنتتىڭ قاراۋىنا تەزىرەك ۇسىنۋ تۋرالى تاپسىرىس بەرىلەتىنى ايتىلدى. جاقسىباي سامرات.