مايدانگەرلەر ەرلىگىنە قۇرمەت

9 مامىر كۇنى ۇلى وتان سو­عى­سىنداعى جەڭىستىڭ 66 جىلدىعىنا وراي استاناداعى «وتان قورعاۋ­شى­لار» مونۋمەنتىنە گۇل شوق­تارىن قويۋ ءراسىمى ءوتتى. فاشيستىك باس­قىنشىلارمەن كۇرەسىپ, قان مايداننان ورالماعان قازاق­ستان­دىق جاۋىنگەرلەرگە قۇرمەت كور­سە­تۋ شاراسىنا ۇكىمەت باسشىسى كارىم ءماسىموۆ باستاعان بىرقاتار مەملەكەت قايراتكەرلەرى, استانا­لىقتار مەن قالا قوناقتارى قاتىستى. گۇل شوقتارىن قويۋ ءراسىمى اياقتالعان سوڭ, ءبىر ءمينوت ۇنسىزدىك جاريالانىپ, ەلىمىز ءانۇرانى ور­ىن­دالدى. بۇدان كەيىن سالتا­نات­تى شاراعا قاتىسۋشىلار ايگىلى كومپوزيتور م.ماتۋسوۆسكيدىڭ «قاي­داسىڭدار, قارۋلاس دوس­تا­رىم» اتتى ءانىنىڭ اۋەنىن تىڭداي ءجۇرىپ, قاز-قاتار تىگىلگەن شاتىر­لار جاققا بەت الدى. وندا ارداگەرلەر ءداستۇرلى قاراقۇمىق بوت­قا­سىنان ءدام تاتسا, تەاتر ءار­تىس­تەرى مايدانگەرلەر قۇرمەتىنە تەاتر­لاندىرىلعان كورىنىستەر قوي­دى. سونداي-اق وسى كۇنى ەل­وردانىڭ ءتۇرلى الاڭدارىندا وزگە دە شارالار ءوتىپ, سوعىس جىل­دارىنداعى اندەر شىرقالدى. ءابدىراحمان قىدىربەك. ----------------------------------- سۋرەتتى تۇسىرگەن اعىباي اياپبەرگەنوۆ.