ماتەماتيك مۇعالىمدەرگە قۇتتىقتاۋ جولدادى

بۇگىن استانادا ەلىمىز ماتەماتيكا مۇعالىمدەرىنىڭ ءى سەزى ءوز جۇمىسىن باستايدى. ەلباسى ن.نازارباەۆ وسى قۇرىل­تاي­عا قاتىسۋشىلارعا قۇتتىقتاۋ جولدادى. وندا بىلاي دەلىنگەن: بۇل مارتەبەلى جيىن رەسپۋبليكا ۇزدىك ماتەماتيكتەرىنىڭ, ءبىلىم بەرۋ سالاسى كوشباسشىلارىنىڭ, جەتەكشى عالىمداردىڭ, بەلگىلى ادىسكەرلەر مەن جاڭاشىل پەداگوگتاردىڭ باسىن قوسىپ وتىر. مەن ەلىمىزدە ساپالى ءبىلىم بەرۋ ىسىندەگى ۇستاز ءرولىنىڭ ماڭىزدىلىعىن ءتۇسىنۋ قالىپتاسقانىن قاناعات سەزىممەن اتاپ وتكىم كەلەدى. بۇگىنگى زامان تالابىنا ساي مۇعالىم – ول رۋحاني دامىعان, پەداگوگيكالىق تەحنولوگيانىڭ قىر-سىرىن جەتىك مەڭگەرگەن شىعارماشىل تۇلعا بولۋى ءتيىس. مۇنىڭ ماتەماتيكا مۇعالىمدەرىنە دە ەرەكشە قاتىسى بار. سەبەبى, ەلىمىزدىڭ جەدەل يندۋستريالىق-يننوۆاتسيالىق  دامۋى جاعدايىندا بازالىق تەحنيكالىق پاندەردىڭ ءبىرى رەتىندە ماتەماتيكا قازىرگى زامانعى ءبىلىم بەرۋدىڭ الدىڭعى شەبىنە شىعىپ وتىر. جاڭا زامان تالابى ماتەماتيكالىق ءبىلىم بەرۋدى جەتىلدىرىپ, ونىڭ تيىمدىلىگىن ارتتىرۋدىڭ ناقتى تەتىكتەرىن ايقىنداۋ مىندەتىن قويادى. سوندىقتان, وسى فورۋمنىڭ جۇمىسى بارىسىندا سىندارلى كاسىبي پىكىر الماسۋلار بولىپ, ناقتى ءارى قۇندى ۇسىنىستار ورتاعا تۇسەدى جانە ول باسقا پاندەر ءۇشىن دە ۇلگى بولادى دەپ سەنەمىن. سەزد جۇمىسىنا ىسكەرلىك, ال سىزدەرگە باقىت پەن بەرەكە, پەداگوگيكا سالاسىنداعى اسا جاۋاپتى ءارى قاستەرلى قىزمەتتە شىعارماشىلىق تابىستار تىلەيمىن!