قازاقستان رەسپۋبليكاسى ۇكىمەتىنىڭ قاۋلىسى № 90

2011 جىلعى 8 اقپان            № 90           استانا, ۇكىمەت ءۇيى قازاقستان رەسپۋبليكاسىنىڭ كەن ورىندارىن العاشقى اشۋشىلار تۋرالى ەرەجەنى بەكىتۋ تۋرالى «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭىنىڭ 16-بابىنىڭ 21) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان قازاقستان رەسپۋبليكاسىنىڭ كەن ورىندارىن العاشقى اشۋشىلار تۋرالى ەرەجە بەكىتىلسىن. 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى    ك.ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى  8 اقپانداعى №90 قاۋلىسىمەن بەكىتىلگەن قازاقستان رەسپۋبليكاسىنىڭ كەن ورىندارىن العاشقى اشۋشىلار تۋرالى ەرەجە 1.جالپى ەرەجەلەر 1. قازاقستان رەسپۋبليكاسىنىڭ كەن ورىن­دارىن العاشقى اشۋشىلار تۋرالى ەرەجە (بۇدان ءارى – ەرەجە) «جەر قويناۋى جانە جەر كويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭى 16-بابىنىڭ 21) تارماقشاسىنا سايكەس ازىرلەندى. 2. قازاقستان رەسپۋبليكاسىنىڭ كەن ورنىن العاشكى اشۋشى (بۇدان ءارى –العاشقى اشۋشى) - ونەركاسىپتىك قۇندىلىققا يە, بۇرىن بەلگىسىز بولعان كەن ورنىن اشقان, سونداي-اق بۇرىننان بەلگىلى كەن ورنىندا پايدالى قازبالاردىڭ قوسىمشا قورلارىن نەمەسە ونىڭ ونەركاسىپتىك قۇندىلىعىن ەداۋىر ۇلعايتاتىن جاڭا مينەرال­دىق شيكىزاتتى انىقتاعان تۇلعا. 3. كەن ورنىن اشۋعا جانە بارلاۋعا تىكەلەي بەلسەندى تۇردە قاتىسقان جانە ەرەكشە كوزگە تۇسكەن: 1) شىعارماشىلىق باستاما جاساعان جانە ناتيجەسىندە ونەركاسىپتىك قۇندىلىعى بار جاڭا كەن ورنى اشىلعان گەولوگيالىك بارلاۋ جۇمىس­تارىن جۇرگىزۋ قاجەتتىلىگىن عىلىمي نەگىزدەگەن; 2) بەلگىلى كەن ورنى شەگىندە ونىڭ قورىن بۇرىن بەكىتىلگەنمەن سالىستىرعاندا كەمىندە ەكى ەسە ۇلعايتاتىن جاڭا دەربەس ۋچاسكەلەردى, كەندى دەنەلەردى, قاتتاردى, قاباتتاردى نەمەسە ونەركا­سىپتىك پايدالانۋعا جارامدى جاڭا پايدالى قازبانى اشقان جەكە تۇلعالار العاشقى اشۋ­شىلار دەپ تانىلادى. 4. العاشقى اشۋشى دەپ تانىلعان تۇلعاعا ديپلوم مەن «قازاقستان رەسپۋبليكاسىنىڭ كەن ور­نىن العاشقى اشۋشى» ومىراۋعا تاعاتىن قۇرمەت بەلگىسى بەرىلەدى. 5. «قازاقستان رەسپۋبليكاسىنىڭ كەن ورنىن العاشقى اشۋشى» ومىراۋعا تاعاتىن قۇرمەت بەلگىسىنىڭ سيپاتتاماسى مەن بەينەسىن قوسا ال­عاندا, «قازاقستان رەسپۋبليكاسىنىڭ كەن ورنىن العاشقى اشۋشى» ومىراۋعا تاعاتىن قۇرمەت بەلگىسىمەن ماراپاتتاۋ تۋرالى نۇسقاۋلىقتى, «قازاق­ستان رەس­پۋبليكاسىنىڭ كەن ورنىن العاشقى اشۋشى» ومىراۋعا تاعاتىن قۇرمەت بەلگىسىنە قوسا بەرىلەتىن ديپلومنىڭ ۇلگىسىن يندۋس­تريالىق ساياساتتى رەتتەۋ سالاسىنداگى ۋاكىلەتتى ورگان بەكىتەدى. 6. كەن ورنىن اشۋعا الىپ كەلگەن گەولوگيالىك بارلاۋ جۇمىستارىن جۇرگىزۋ قاجەتتىلىگىن نەگىزدەۋگە, كەن ورنىن اشۋ مەن بارلاۋعا ءوزى تىكەلەي قاتىسپاعان, ءوزىنىڭ قىزمەتتىك مىندەتتەرىنە قاراي كورسەتىلگەن جۇمىستارعا جالپى باسشىلىقتى جۇزەگە اسىرىپ وتىرعان لاۋازىمدى تۇلعالارعا «قازاقستان رەسپۋبليكاسىنىڭ كەن ورنىن العاش­قى اشۋشى» ومىراۋعا تاعاتىن قۇرمەت بەلگىسىن تاپسىرۋ جۇرگىزىلمەيدى. 2. ءوتىنىشتى قاراۋ جانە جەكە تۇلعانى پايدالى قازبا كەن ورنىن العاشقى اشۋشى دەپ تانۋ تۋرالى شەشىم قابىلداۋ 7. جەكە تۇلعانى العاشقى اشۋشى دەپ تانۋعا بايلانىستى ماسەلەلەردى جەر قويناۋىن زەرتتەۋ مەن پايدالانۋ جونىندەگى ۋاكىلەتتى ورگاننىڭ (بۇدان ءارى – ۋاكىلەتتى ورگان) بىلىكتى ماماندا­رىنان قۇرالاتىن جانە ۋاكىلەتتى ورگاننىڭ جانىنداعى پايدالى قازبالار كەن ورىندارىن العاشقى اشۋ ىستەرى جونىندەگى كوميسسيا (بۇدان ءارى – كوميسسيا) قارايدى. 8. گەولوگيا جانە جەر قويناۋىن پايدالانۋ وڭىرارالىق دەپارتامەنتتەرى (بۇدان ءارى – ءوڭىر­ارالىق دەپارتامەنتتەر) جانىنان ءتيىستى ءوڭىر­ارالىق دەپارتامەنتتەردىڭ ماماندارىنان تۇرا­تىن پايدالى قازبالار كەن ورىندارىن العاشقى اشۋشىلار ىستەرى جونىندەگى وڭىرارالىق كوميسسيالار (بۇدان ءارى – وڭىرارالىق كوميسسيالار) قۇرىلادى. 9. كوميسسيالار ءوز قىزمەتىندە كونستيتۋ­تسيانى, زاڭدى, وزگە دە نورماتيۆتىك قۇقىقتىق اكتىلەردى, سونداي-اق وسى ەرەجەنى باسشىلىققا الادى. 10. پايدالى قازبا كەن ورنىن اشۋ تۋرالى جەكە تۇلعانىڭ ءوتىنىشى جەكە باسىن كۋالاندىراتىن قۇجاتتىڭ كوشىرمەسىمەن قوسا وڭىرارالىق دەپارتامەنتكە ۇسىنىلادى, وندا تىركەلەدى جانە ءوڭىر­ارالىق كوميسسيانىڭ قاراۋىنا تاپسىرى­لادى. 11. وڭىرارالىق كوميسسيا ءوتىنىش تۇسكەن كۇن­نەن باستاپ وتىز كۇنتىزبەلىك كۇن مەرزىمدە ونى كارايدى جانە: 1) كەن ورنىنىڭ اشىلۋ فاكتىسىن جانە كەن ورنىن اشۋعا ءوتىنىش بەرۋشىنىڭ ء(وتىنىش بەرۋ­شىلەردىڭ) قاتىسقانىن; 2) كەن ورنىنىڭ ونەركاسىپتىك قۇندىلىعىن, زەردەلەنۋ دارەجەسىن جانە تولىقتىعىن, ونى رەنتابەلدى وڭدەۋ مۇمكىندىگىن نەمەسە قوسىمشا زەرتتەۋدىڭ ورىندىلىعىن انىقتايدى. 12. وتىنىشتە باياندالعان ماتەريالداردى قوسىم­شا زەرتتەۋ نەمەسە تەكسەرۋ جۇرگىزۋ قاجەت بولعان جاعدايدا, قاراۋ مەرزىمى وتىز كۇنتىزبەلىك كۇننەن اسپايتىن بولىپ ۇزارتىلۋى مۇمكىن, ول تۋرالى قاراۋ مەرزىمى ۇزارتىلعان ساتتەن باستاپ ءۇش كۇنتىزبەلىك كۇننىڭ ىشىندە ءوتىنىش بەرۋشىگە حابارلانادى. 13. وڭىرارالىك كوميسسيالار ءوتىنىشتى قارا­عان­نان كەيىن ماتەريالدارمەن كوسا جانە ءوتىنىش بەرۋشىنى العاشقى اشۋشى دەپ تانۋ نە تانۋدان باس تارتۋ نەگىزدەمەسى بار قورىتىندىنى ۋاكى­لەتتى ورگانعا جىبەرەدى. 14. كوميسسيانىڭ وتىرىستارى وڭىرارالىق كوميسسيالاردان پايدالى قازبا كەن ورنىن اشۋ تۋرالى جەكە تۇلعانىڭ ءوتىنىشىن قاراۋ ناتيجەلەرى بويىنشا قورىتىندى الىنعان ساتتەن باستاپ ءبىر اي ىشىندە, بىراق جىلىنا ءبىر رەتتەن سيرەتپەي وتكىزىلەدى. 15. ءوتىنىش بەرۋشى كوميسسيانىڭ وتىرىس­تارىن وتكىزۋگە بايلانىستى شىعىستاردى تولەمەيدى. 16. ءوتىنىش بەرۋشىنى العاشقى اشۋشى دەپ تانۋ نە ونى العاشقى اشۋشى دەپ تانۋدان باس تارتۋ تۋرالى شەشىم كوميسسيانىڭ حاتتامامەن رەسىمدەلەتىن ۇسىنىمى نەگىزىندە قابىلدانادى. شەشىمدى كوميسسيانىڭ ۇسىنىمى تۇسكەن كۇنىنەن باستاپ جەتى جۇمىس كۇنى ىشىندە ۋاكىلەتتى ورگاننىڭ ءبىرىنشى باسشىسى بەكىتەدى. 17. ءوتىنىش بەرۋشىنى العاشقى اشۋشى دەپ تانۋدان: 1) ول ءوزى تۋرالى كورىنەۋ جالگان مالىمەتتەردى ۇسىنعان; 2) كەن ورنىن بارلاۋعا, ونى اشۋعا بەلسەندى تۇردە قاتىسقان ءوتىنىش بەرۋشى ۇلەسىنىڭ جەتكىلىكسىزدىگى تۋرالى شەشىم بولعان جاعدايدا باس تار­تىلادى. 18. ۋاكىلەتتى ورگاننىڭ ءوتىنىش بەرۋشىنى العاشقى اشۋشى دەپ تانۋدان باس تارتۋ تۋرالى شەشىمىنە قازاقستان رەسپۋبليكاسىنىڭ زاڭناما­سىندا بەلگىلەنگەن تارتىپپەن شاعىم بەرىلۋى مۇمكىن.