سالتاناتتى شاراعا باتىس قازاقستان وبلىسىنىڭ اكىمى التاي كولگىنوۆ, ورال قالاسىنىڭ اكىمى ناريمان تورەعاليەۆ, قازاقستان رەسپۋبليكاسى قورعانىس جانە اەروعارىش ءمينيسترى بەيبىت اتامقۇلوۆ, قازاقستان رەسپۋبليكاسى قورعانىس ءمينيسترىنىڭ ورىنباسارى, گەنەرال-مايور تالعات جانجۇمەنوۆ, قازاقستان رەسپۋبليكاسى قارۋلى كۇشتەرى اسكەري تەڭىز قىزمەتىنىڭ باس قولباسشىسى جانداربەك جانۇزاقوۆ, «قازاقستان ينجينيرينگ» ۇلتتىق كومپانياسى» اق-نىڭ باسقارما توراعاسى ە.س.يدريسوۆ, قر قارۋلى كۇشتەرىنىڭ ارداگەرلەرى, «زەنيت» زاۋىتىنىڭ ۇجىمى, «ماڭعىستاۋ» كەمەسى ەكيپاجىنىڭ جەكە قۇرامى قاتىستى.
«ماڭعىستاۋ» – «زەنيت» زاۋىتىنىڭ كونۆەيەرىنەن شىققان 26 كەمە. ول قازاقستان رەسپۋبليكاسى قارۋلى كۇشتەرىنىڭ اسكەري تەڭىز قىزمەتى ءۇشىن مەملەكەتتىك تاپسىرىس بويىنشا جاسالىنعان. بۇدان بۇرىنعى كەمەلەردەن ەرەكشەلىگى – بۇل كورابلدىڭ قارۋ-جاراعى جەتىلدىرىلگەن: سۋ استىنان كەلەتىن قاۋىپتى ديۆەرسيالىق ارەكەتتى, جۇزبەلى قارسىلاستى انىقتايتىن جانە قارسىلىق كورسەتەتىن قوندىرعى ورناتىلعان, كەمە قۇرىلىسى كەزىندە بۇعان دەيىن جاسالعان كورابلدەردە قىزمەت ەتۋشى اسكەري تەڭىزشىلەردىڭ اقىل-كەڭەستەرى ەسكەرىلگەن. وسىلايشا, اسكەري كەمەنىڭ مانەۆر مۇمكىندىكتەرى ارتىپ, اسكەري قۋاتى كۇشەيىپ, ەكيپاج مۇشەلەرى ءۇشىن جايلى بولا تۇسكەن.
ايتا كەتۋ كەرەك, قازاقستان رەسپۋبليكاسىنىڭ كاسپي تەڭىزىندەگى شەكاراسىن قورعاۋ ماقساتىندا شىعارىلا باستاعان زىمىراندى-ارتيللەريالىق كەمەلەردىڭ العاشقىسى 2012 جىلى 25 ساۋىردە سۋعا تۇسىرىلگەن بولاتىن. 0250 جوباسىمەن باستالعان بۇل كورابل – «قازاقستان» اتاۋىن يەمدەندى. ودان كەيىن 2013-2014 جىلدارى زاۋىت كونۆەيەرىنەن شىققان «ورال» جانە «سارىارقا» ۇرىس كەمەلەرى تەڭىز قىزمەتىنە اتتاندى.
قازبەك قۇتتىمۇرات ۇلى,
ورال
