بۇل جايىندا ورتالىق كوممۋنيكاتسيالار قىزمەتىندەگى بريفينگتە قوردىڭ قارجى جانە وپەراتسيالار جونىندەگى ۋاقىتشا باسقارۋشى ديرەكتورى ەرنار ءجانادىل ءمالىم ەتتى, دەپ حابارلايدى قازاقپارات.
«سامۇرىق-قازىنا» اق 2016 جىلدى وڭتايلى قارجىلىق ناتيجەمەن اياقتادى. اكتسيونەر ۇلەسىندەگى شوعىرلانعان تازا پايدا 2016 جىلدىڭ قورىتىندىسى بويىنشا 455 ملرد تەڭگەنى قۇرادى. بۇل 2015 جىلعى كورسەتكىشتەن 180 پايىزعا نەمەسە 292 ملرد تەڭگەگە ارتىق», - دەدى ول.
[irp posts="9062" name="ۇلان تاجىباەۆ: «سامۇرىق-قازىنا» قورىنىڭ توڭىرەگىندە اڭىز كوپ...»"]
قور مالىمەتىنشە, شوعىرلانعان ءتۇسىم سومماسى 4,1 ترلن تەڭگەگە جۋىق. بۇل وتكەن جىلدىڭ كورسەتكىشتەرىنە قاراعاندا 32 پايىزعا جوعارى. قور توبىنىڭ شوعىرلانعان ءتۇسىمى 730 ملرد. تەڭگە بولدى. بۇل دا 2015 جىلعى كورسەتكىشتەن 345 ملرد. تەڭگەگە ارتىق. جالپى اكىمشىلىك شىعىستار 345 ملرد. تەڭگەنى قۇرادى. بۇل 2015 جىلدىڭ كورسەتكىشتەرىمەن سالىستىرعان 36 ملرد. تەڭگەگە كەم. وتكەن جىلى بيۋدجەتكە شامامەن 610 ملرد. تەڭگە سالىق تولەندى.
«2015 جىلى مۇنايدىڭ ورتاشا باعاسى باررەلىنە 52 دوللار, ال 2016 جىلى 44 دوللار بولدى. ياعني, ءبىز تەرىس اسەر الامىز دەپ كۇتكەن ەدىك. بىراق, وڭ ناتيجە ورىن الدى. بۇل 2016 جىلدىڭ ەكىنشى جارتىجىلدىعىندا مۇناي باعاسى كوتەرىلىپ, مول مۇناي ساتىلىپ, ءتۇسىم جوعارى بولدى», - دەدى ەرنار ءجانادىل.
