25 ءساۋىر كۇنى, قوستاناي وبلىسىندا سۋ تاسۋىنا بايلانىستى (715 كم.+500 م سۋ الدى) «ەكاتەرينبۋرگ-الماتى» تاسجولىنىڭ 686-729 شاقىرىمى, سارىكول كەنتىنەن سقو شەكاراسىنا دەيىنگى ۋچاسكەسىندە بارلىق اۆتوكولىك تۇرلەرىنىڭ قوزعالىسىنا شەكتەۋ قويىلدى.
سۋ تاسقىنىنا بايلانىستى سقو-دا «چەليابينسك-نوۆوسيبيرسك» تاسجولىنىڭ 525-530 شاقىرىم ارالىعىندا «مامليۋتكا» اينالما جولىنان 20-مولتەك اۋدانىنا دەيىنگى ۋچاسكەسىندە (528, 529 كم سۋ الدى) بارلىق اۆتوكولىك تۇرلەرىنىڭ قوزعالىسىنا تىيىم سالىندى. ودان بولەك, وبلىس بويىنشا تاسجولداردىڭ بىرقاتار بولىگىن سۋ جىرىپ كەتتى: 1. «ەكاتەرينبۋرگ-الماتى» 766 كم (جىرىلعان جول جيەگىنىڭ ەنى - 200 م). 2. «ەكاتەرينبۋرگ-الماتى» 797 كم («جەم باراك» وزەنىنىڭ ۇستىندەگى كوپىر جىرىلىپ (كوپىردىڭ ۇزىندىعى - 46 م), كونۋس پەن وتەتىن تاقتا جارىلعان). 3. «ەكاتەرينبۋرگ-الماتى» 835 كم («اقان بۇرلىك» وزەنىنىڭ ۇستىندەگى كوپىر جىرىلىپ (كوپىردىڭ ۇزىندىعى - 70 م), كونۋس پەن وتەتىن تاقتا جارىلعان). اۆتوكولىكتەر قوزعالىسىنا شەكتەۋ جوق.
وقو-دا ءدال وسى سەبەپتى «سامارا-شىمكەنت» جولىنىڭ 2217-2235 شاقىرىم ارالىعىنا (كوپىردىڭ 2229 شاقىرىمى) بارلىق اۆتوكولىك تۇرلەرى ءۇشىن قوزعالىسقا شەكتەۋ قويىلدى. ارىس وزەنىنىڭ جاعالاۋ بەكىنىسى مەن كوپىردىڭ جاعالاۋ تىرەۋىن سۋ شايىپ كەتتى. بۇل ۋچاسكەنى تەمىرلانوۆ اۋىلى ارقىلى اينالىپ وتۋگە بولادى. «قازاقاۆتوجول» رمك وبلىستىق بولىمشەسىنىڭ ماماندارى سۋ تاسقىنى ورىن العان ۋچاسكەلەردە بەكىتۋ جۇمىستارىن جۇرگىزۋدە, ەسكەرتۋ بەلگىلەرى قويىلدى. تاۋلىك بويى كەزەكشىلىك ۇيىمداستىرىلدى.
