ءشيتتى ماقتادان تابىس مول

جاڭا تەحنولوگيالىق ءادىستىڭ پايداسى مول ەكەنىن ايتقان شارۋالار بۇل تەحنيكا ءبىر مەزەتتە ءۇش قىزمەتتى اتقاراتىنىن ايتادى. ماسەلەن, تەحنيكا شيت تۇقىمىن شاحمات ادىسىمەن توپىراققا بىركەلكى تاستاپ, سونىمەن بىرگە تامشىلاتىپ سۋارۋ جۇيەسىن قوسا كومىپ, ونىڭ ۇستىنەن پلەنكا جاۋىپ تا ۇلگەرەدى. وسىلايشا, دالدىكپەن ەگىلگەن شيت تۇقىمى تەز ءوسىپ جەتىلسە, تامشىلاتىپ سۋارۋدىڭ ناتيجەسىندە قوزا كوسەگى تۇگەلدەي دەرلىك اشىلىپ, ءونىم كورسەتكىشى ەكى ەسە ارتادى. 

«ءيىرجار-اگرو» سەرىكتەستىگىنىڭ اتقارۋشى ديرەكتورى باقىت قامباروۆتىڭ ايتۋىنشا, بيىلعى جىلى ماقتانىڭ ەليتالىق «2747» جانە قىتاي سورتى ەگىلگەن. ءبىر گەكتارعا 270-280 مىڭ تەڭگە كولەمىندە شىعىن جۇمسايتىن شارۋاشىلىق بەرەكەلى كۇزدە بۇل شىعىننىڭ ەسەلەپ قايتارىنا سەنىمدەرى مول.

بىلتىر 240 گەكتارعا ءشيتتى ماقتا ەگىپ, ءار گەكتارىنان 51 تسەنتنەر ءونىم العان سەرىكتەستىك ماقتا القابىنىڭ كولەمىن 300 تسەنتنەرگە جەتكىزۋدى كوزدەپ وتىر.

باقتيار تايجان, 

"ەگەمەن قازاقستان"

وڭتۇستىك قازاقستان وبلىسى