كەزدەسۋ بارىسىندا ق.ءابدىراxمانوۆ يسلام الەمى مەن ونىڭ سىرتىندا عىلىم مەن تەxنولوگيالار سالاسىن دامىتۋداعى قاتاردىڭ ۇلەسىن ايتا كەلە, قازاقستاننىڭ ەلورداسىندا 2017 جىلعى 10-11 قىركۇيەكتە وتەتىن يسلام ىنتىماقتاستىعى ۇيىمىنىڭ عىلىم ءجانە تەxنولوگيالار جونىندەگى سامميتىنە پرەزيدەنت نۇرسۇلتان نازارباەۆتىڭ شاقىرۋىن امىرگە جەتكىزدى.
وسى ورايدا, «جاسىل ەكونوميكا» تەxنولوگيالارىن دامىتۋ سالاسىندا قاتاردىڭ جيناعان وڭ تاجىريبەسىن ەسكەرە وتىرىپ, حالىقارالىق مامانداندىرىلعان ەكسپو-2017 كورمەسىنە قاتار تاراپىنىڭ قاتىسۋعا دايىندىعى جونىندە ءسوز قوزعالدى.
تاراپتار قازاقستان-قاتار قاتىناستارىنىڭ جاعدايى مەن پەرسپەكتيۆالارىن تالقىلاپ, ەكىجاقتى ىنتىماقتاستىقتىڭ بارلىق باعىتتارى بويىنشا وڭ ديناميكا بايقالۋدا ەكەنىن اتاپ ءوتتى.
سۇxباتتاسۋشىلار xالىقارالىق كۇن تارتىبىندەگى وزەكتى تاقىرىپتاردى, سونىڭ ىشىندە سيرياداعى جاعدايدى, استانا پروتسەسىنىڭ دامۋ بارىسى مەن قاتىسۋشىلار قۇرامىنا اراب ەلدەرىن, اتاپ ايتقاندا, قاتاردى تارتۋ ارقىلى ونىڭ اۋقىمىن كەڭەيتۋ مۇمكىندىكتەرىن قىزىعۋشىلىقپەن تالقىلادى. مينيستر ءامىردى قازاقستاننىڭ بۇۇ قاۋىپسىزدىك كەڭەسىندەگى 2017-2018 جىلدارعى مۇشەلىگىنىڭ نەگىزگى باسىمدىقتارىمەن تانىستىردى.
قازاقستاننىڭ سىرتقى سايا-
سات ۆەدومستۆوسىنىڭ باسشىسى ءوزىنىڭ قاتارلىق ارىپتەسى مۇحاممەد بەن ابدراحمان ءال-تانيمەن كەلىسسوزدەر جۇرگىزۋى بارىسىندا ءامىردىڭ استاناعا 2014 جىلعى قاڭتارداعى ساپارى مەن نۇرسۇلتان نازارباەۆتىڭ 2015 جىلعى قازانداعى دوحاعا ساپارى بارىسىندا قول جەتكىزىلگەن كەلىسىمدەردىڭ كوپشىلىگى ىسكە اسىرىلىپ, ەكىجاقتى ىنتىماقتاستىقتا ەلەۋلى بەلسەندىلىك بايقالاتىنىن اتاپ ءوتتى.
سۇحباتتاسۋشىلار تەرروريزمگە قارسى كۇرەس جانە ەكسترەميستىك يدەولوگيالاردى تاراتۋعا قارسى كۇرەستە حالىقارالىق كۇش-جىگەردى ءۇيلەستىرۋ جايىن تالقىلاپ, وسى ورايدا سىندارلى ءوركەنيەتارالىق ءۇنقاتىسۋدىڭ ءمانى زور ەكەنىن اتاپ كورسەتتى. ق.ءابدىراحمانوۆ قاتار تاراپىنا الەمدىك جانە ءداستۇرلى دىندەر ليدەرلەرىنىڭ سەزىن استانادا وتكىزۋدە بەلسەندى قولداۋ كورسەتكەنى ءۇشىن العىسىن ءبىلدىردى.
تاراپتار بارلىق, ونىڭ ءىشىندە ساۋدا جانە كولىك-لوگيستيكالىق باعىتتار بويىنشا ءوزارا ىقپالداستىقتى ءارى قاراي ارتتىرۋعا مۇددەلىلىك تانىتتى. ەكونوميكالىق ديپلوماتيا باعىتى بويىنشا ەكى ەلدىڭ سىرتقى ساياسات ۆەدومستۆولارى قارجى جانە ينۆەستيتسيالىق سالالارداعى بايلانىستارىن تابىستى دامىتىپ كەلەدى. سونداي-اق, بيىل قازاقستان-قاتار كوميسسياسىنىڭ جوعارى دەڭگەيدەگى 5-ءشى كەزەكتى وتىرىسى مەن استانادا 1-ءشى قازاقستان-قاتار بيزنەس-فورۋمىن وتكىزۋگە دايىندىق جۇمىستارىن جۇرگىزۋدە. قاتاردىڭ ورتالىق بانكى «استانا» حالىقارالىق قارجى ورتالىعى اراسىنداعى, ونىڭ ىشىندە يسلامدىق قارجىلاندىرۋ قۇرالدارىن قازاقستانعا ەندىرۋ بويىنشا ىنتىماقتاستىق سەرپىندى دامۋ ءۇستىندە. قاتار تاراپى قازاقستاننىڭ مەملەكەتتىك اكتيۆتەردى جەكەشەلەندىرۋ باعدارلاماسىنا قىزىعۋشىلىق ءبىلدىردى.
قاتار مەملەكەتى قازاقستانعا استانا قالاسى قۇرىلىسىندا, اتاپ ايتقاندا, «نۇر استانا» يسلام مادەني ورتالىعىن سالۋ كەزەڭىندە ماڭىزدى قولداۋ كورسەتكەنىن اتاپ وتكەن ءجون. قازىرگى ۋاقىتتا قاتار تاراپىنىڭ قارجىسىنا قازاقستان ەلورداسىندا ورتا مەكتەپ سالىنۋدا, سونىمەن قاتار, الەۋمەتتىك سالادا بىرقاتار جوبالاردى جۇزەگە اسىرۋ بو-
يىنشا دايىندىق جۇمىستارى ءجۇرگىزىلۋدە.
سونىمەن بىرگە, قاتار اراب ەلدەرىنىڭ ىشىندە العاشقى بولىپ ازياداعى ءوزارا ءىس-قيمىل جانە سەنىم شارالارى جونىندەگى كەڭەسكە جانە ازىق-ت ۇلىك قاۋىپسىزدىگى جونىندەگى يسلام ۇيىمىنا ەندى.
ق.ءابدىراحمانوۆ دوحاداعى كەزدەسۋلەرىندە, سونداي-اق, سۇحباتتاسۋشىلارىن جاقىندا بولعان قازاقستاننىڭ كونستيتۋتسيالىق رەفورمالارىنىڭ قورىتىندىلارىمەن, «ءۇشىنشى جاڭعىرۋدىڭ» نەگىزگى اسپەكتىلەرى جانە ن.نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ مازمۇنىمەن تانىستىردى.
ق.ءابدىراحمانوۆتىڭ ءوڭىر ەلدەرىنە تۋرنەسى ەندى ساۋد ارابياسى جانە كۋۆەيت ەلدەرىنە جۇمىس ساپارلارىمەن جالعاسادى.
