«كيەلى ماڭعىستاۋ جەرىندە سىزدەرمەن كەزدەسكەنىمە قۋانىشتىمىن. قازىر ەلىمىزدە ۇلكەن وزگەرىستەر بولىپ جاتىر. دۇنيەجۇزىندە بولىپ جاتقان جاعدايلاردى وزدەرىڭىز كورىپ, ءبىلىپ وتىرسىزدار. مىنا جاقتا تەرروريزم, رەسەيدەگى جاعدايدى دا ەستىپ وتىرسىزدار. ەكى يمپەريانىڭ ورتاسىندا ورنالاسقان ەلمىز. بارلىعىنىڭ بىزگە ىقپالى بولادى. ءبىز سىرتقا شىعارىپ ساتاتىن مۇناي-گازدىڭ باعاسى قۇلدىراپ كەتتى. بيۋدجەتكە تۇسەتىن قاراجات 40 پايىزعا ازايدى. سونىڭ بارلىعىنا قاراماي, تىك تۇرىپ ءوسىپ كەلە جاتقان قازاقستان دەگەن ەلىمىز بار», - دەدى پرەزيدەنت.
نۇرسۇلتان نازارباەۆ مەملەكەتىمىزدىڭ ءۇش بىردەي ۇلى داعدارىستان امان قالعانىن اتاپ ءوتتى. «ءبىرىنشىسى, كەڭەس وداعى كۇيرەگەن كەز. نە ىستەرىمىزدى بىلمەي, بۇل قازاق ەل بولا ما, بولماي ما دەپ ەلدىڭ ءبارى ايتقان كەز. ەكىنشى, شىعىس ازيادا بولعان داعدارىس. ء ۇشىنشىسى - 2007-2009 جىلدارداعى دۇنيەجۇزىلىك جاھاندىق داعدارىس. سونىڭ ءبارىن ەسكەرە كەلىپ, بىلتىر 25 جىلدا جەتكەن جەتىستىكتەرىمىزدى دۇنيەجۇزىنە پاش ەتتىك. وسى جىلداردىڭ ىشىندە ەلىمىز قۋاتتى مەملەكەتكە اينالدى. الەمدىك كارتادا جوق قازاقستاندى شەگەلەپ تۇرىپ قويدىق, دارەجەسىن كوتەردىك. بۇكىل دۇنيەجۇزى سىيلايتىن, قۇرمەتتەيتىن ەل بولدىق. ونىڭ ناقتى بەلگىسى – بۇۇ قاۋىپسىزدىك كەڭەسىنىڭ مۇشەلىگىنە سايلانۋىمىز», - دەدى ەلباسى.
ارنۇر اسقار,
«ەگەمەن قازاقستان»
