«الماتى مەتروپوليتەنى» كمك ءباسپاسوز قىزمەتىنىڭ حابارلاۋىنشا, قاۋىپسىزدىك شاراسى اياسىندا ەڭ ءبىرىنشى كەزەكتە باقىلاۋ جۇمىستارى كۇشەيتىلگەن. بۇل باعىتتا ءىىب-مەن بىرلەسكەن ۇيىمداستىرۋشىلىق شارالارى جۇرگىزىلىپ جاتىر.
«مەتاللىزدەۋشى, رەنتگەن-تەلەۆيزيالىق وتكىزبە جولىمەن جابدىقتالعان ارنايى اپپارات ارقاسىندا بارلىق جولاۋشى باقىلاۋدان وتەدى. جولاۋشىلارعا قاۋىپسىزدىك شارالارىنا تۇسىنىستىكپەن قاراۋ سۇرالدى. باقىلاۋ شارالارىنىڭ كۇشەيتىلۋى جولاۋشىلاردىڭ پويىزدارعا ءوتۋ ۋاقىتىنا كەدەرگى كەلتىرمەۋى كەرەك. سەبەبى, قاۋىپسىزدىك شارالارى تۇراقتى تۇردە جۇرگىزىلىپ وتىرادى», - دەلىنگەن حابارلامادا.
ەستەرىڭىزگە سالا كەتسەك, 3 ءساۋىر كۇنى سانكت-پەتەربۋرگ مەتروپوليتەنىندە «سەننايا پلوششاد» جانە «تەحنولوگيچەسكي ينستيتۋت-2» ستانسالارى اراسىندا جارىلىس بولىپ, 11 ادام قازا تاپتى.
