زەينەتكەر 1 ملن. تەڭگە اۋداردى

باتىس قازاقستان وبلىسىنداعى سۋ تاس­قى­نى سالعان ابىگەر بارشا قازاقستاندىقتار­دىڭ قابىرعاسىنا اياداي باتۋدا. اعايىندىق, باۋىرمالدىقتىڭ كورىنەتىن جەرى وسىندايدا. وبال-ساۋاپتىڭ قادىرىن بىلەتىن وڭتۇستىك­ق­ا­زاق­ستاندىقتار ورالداعى اعايىنعا قال-قا­دىرلەرىنشە كومەك كورسەتۋدە. جاقىندا ءالي سابيروۆ اتتى زەينەتكەر قايىرىمدىلىق قو­رىنا ءوز زەينەتاقىسى ەسەبىنەن 1 ملن. تەڭگە اۋداردى. ءالي كوكەمىزدى جاقسى بىلەمىز. كوممۋنيستىك حالىق پارتياسىنىڭ وقو فيليا­لىنىڭ ءبىرىنشى حاتشىسى, تۋرالىقتى جاقسى كورەتىن, كومەيىندەگىسىن باسشى-قوسشى دەمەي ىرىكپەي ايتىپ تاستايتىن ازامات. حا­بارلاستىق. – دۇنيەم اسىپ-تاسىپ جاتقاندىقتان اۋ­دا­رىپ جاتقان جوقپىن, – دەيدى ول. – مەن 1963 جىلى جولدامامەن ورال وبلىستىق كوم­سومول كوميتەتىنىڭ ءبىرىنشى حاتشىسى بو­لىپ تاعايىندالدىم. 1972 جىلى ماسكەۋدەگى پارتيا مەكتەبىندەگى وقۋدان سوڭ ورال وب­لىستىق تاسقالا اۋداندىق پارتيا كوميتەتىنە ءبىرىنشى حاتشى ەتىپ جىبەردى. وسى قىز­مەتتە بالاماسىز 1988 جىلعا دەيىن جۇمىس ىستەدىم. ءوزىم وڭتۇستىكتىڭ تۋماسى بولسام دا مۇندا ەشكىم بوتەن جاقتانسىڭ دەپ كوكى­رە­گىمنەن يتەرگەن ەمەس. تۋعانىنداي باۋىرىنا تارتتى. كورشى رەسەي, قاسىمىزداعى اۋدان­داردىڭ حاتشى­لارى ەكى-ءۇش جىلدا اۋىسىپ جاتسا دا حالىق ماعان قاتتى سەنىم ءبىلدىرىپ, وسى قىزمەتىمدى اتقارۋىمدى قالايتىن. ونداعى جۇرتپەن اعايىن-تۋىسقان بولىپ كەتتىك. كەيىن مەن زەينەتكە شىققاندا 1993 جىلى تاسقالاداعى ءبىر كوشەگە مەنىڭ اتىمدى بەردى. كەيىنىرەك اۋداننىڭ قۇرمەتتى ازاماتى اتاعىن بەردى. ورال ءوڭىرى – مەنىڭ جالىندى جاستىق شاعىم, ازاماتتىق بولمىسىم قالىپتاسقان جەر. ءوزىم زاپاستاعى پولكوۆنيكپىن. زەينەت­اقىم جوعارى. قۇدايعا شۇكىر, بالام دا جاق­سى قىزمەتتە. ورالداعى اعايىن-تۋىس اۋىر حالگە تۇسكەندە ءۇنسىز قالا الماعان سەبەبىم وسى. ولارعا اۋىر ءتيىپ جاتقانىن بىلەمىن. جۇرەگىم-جانىم سولارمەن بىرگە. تاسقىن سۋدىڭ بەتى قايتىپ, تەزىرەك ءۇي-جايلارىنا ورنالاسۋىن قۇدايدان تىلەپ وتىرمىن. باقتيار تايجان. شىمكەنت.