ىقىلاستى قۇتتىقتاۋلار, ىزگى تىلەكتەر

قازاقستان پرەزيدەنتى نۇرسۇلتان نا­زار­­باەۆ­­تىڭ اتىنا مەملەكەت, ۇكىمەت باس­شى­لا­رى­نان, حالىق­ارا­لىق ۇيىم­دار­دىڭ جەتەكشى­لە­رىنەن سايلاۋداعى جەڭى­سى­نە باي­لا­نىستى قۇتتىقتاۋلار كەلىپ تۇسۋدە. * * * مەملەكەت باسشىسى نۇرسۇلتان نازار­باەۆتى پرەزيدەنتتىك سايلاۋداعى سەنىمدى جەڭىسىمەن چەح رەسپۋبليكاسىنىڭ پرەزيدەنتى ۆاتسلاۆ كلاۋس قۇتتىقتادى. قۇتتىقتاۋدا بىلاي دەلىنگەن: قۇرمەتتى پرەزيدەنت مىرزا, ءسىزدى قازاقستان رەسپۋبليكاسىنىڭ پرەزيدەنتى قىزمەتىنە قايتا سايلانۋىڭىزبەن چەحيا ازاماتتارىنىڭ جانە ءوزىمنىڭ اتىمنان قۇتتىقتاۋعا رۇحسات ەتىڭىز. سىزگە, قۇرمەتتى پرەزيدەنت مىرزا, دەنساۋ­لىق جانە تابىستار تىلەيمىن. * * * مەملەكەت باسشىسى نۇرسۇلتان نازار­باەۆتى پرەزيدەنتتىك سايلاۋداعى سەنىمدى جە­ڭىسىمەن ۇلىبريتانيا جانە سولتۇستىك يرلانديا بىرىككەن كورولدىگىنىڭ پرەمەر-ءمينيسترى دەۆيد كەمەرون قۇتتىقتادى. قۇت­تىقتاۋدا بىلاي دەلىنگەن: قۇرمەتتى پرەزيدەنت مىرزا, ءسىزدىڭ قازاقستان رەسپۋبليكاسىنىڭ پرەزيدەنتى قىزمەتىنە قايتا سايلانۋىڭىزعا بايلانىستى ءوزىمنىڭ شىنايى نيەتىمدى بىلدىرۋگە رۇقسات ەتىڭىز. بىرىككەن كورولدىك قازاقستانمەن مىقتى, اشىق جانە دامىپ كەلە جاتقان قاتىناستاردى باعالاي بىلەدى. مەن ءبىزدىڭ ەلدەرىمىزدىڭ ەكىجاقتى ىنتىماقتاستىعىنىڭ بارلىق باعىتتارى بويىنشا بايلانىستى نىعايتۋدى جالعاستىرۋدى تاعاتسىزدانا كۇتەمىن. * * * مەملەكەت باسشىسى نۇرسۇلتان نازار­باەۆ­تى پرەزيدەنتتىك سايلاۋداعى سەنىمدى جە­ڭىسىمەن جانە ۇلىقتاۋ ءراسىمىنىڭ وتۋىمەن بەل­گيا كورولى البەرت II قۇتتىقتادى. قۇت­تىقتاۋدا بىلاي دەلىنگەن: قۇرمەتتى پرەزيدەنت مىرزا, ءسىزدىڭ قازاقستان رەسپۋبليكاسىنىڭ پرەزيدەنتى رەتىندەگى مانداتقا قايتا يە بولۋىڭىزعا ارنالعان ۇلىقتاۋ ءراسىمىنىڭ وتۋىنە بايلانىستى قۇتتىقتاۋىمدى, سونداي-اق ءوز وكىلەتتىگىڭىزدى ىسكە اسىرۋدا ەڭ يگى تىلەگىمدى بىلدىرگىم كەلەدى. بارلىق قازاقستاندىقتارعا شىن كوڭىلىممەن بەيبىتشىلىك, كەلىسىم جانە يگىلىك تىلەيمىن. * * * مەملەكەت باسشىسى نۇرسۇلتان نازار­باەۆتى پرەزيدەنتتىك سايلاۋداعى تاماشا جەڭىسىمەن برۋنەي مەملەكەتىنىڭ سۇلتانى دارۋسسالام حاسسانال بولكياح  قۇتتىق­تا­دى. قۇتتىقتاۋدا بىلاي دەلىنگەن: جوعارى مارتەبەلى, ءسىزدى قازاقستان رەسپۋبليكاسى پرەزي­دەنتى­نىڭ قىزمەتىنە قايتا سايلانۋىڭىزبەن قۇتتىق­تاۋعا رۇقسات ەتىڭىز. ءبىزدىڭ ەكىجاقتى قاتىناس­تارىمىز, سونداي-اق يكۇ اياسىنداعى ىنتى­ماقتاستىق الدا دا داميتىنىنا سەنەمىن. * * * مەملەكەت باسشىسى نۇرسۇلتان نازار­باەۆ­تى پرەزيدەنتتىك سايلاۋداعى تاماشا جە­ڭىسىمەن ساۋد ارا­بياسىنىڭ كورولى ابداللا بەن ابدەل ازيز ءال ساۋد قۇتتىقتادى. قۇتتىقتاۋدا بىلاي دەلىنگەن: قۇرمەتتى پرەزيدەنت مىرزا, ءسىزدىڭ پرەزيدەنتتىك سايلاۋداعى جەڭىسىڭىزگە بايلانىستى ساۋد ارابياسى كورولدىگىنىڭ ۇكىمەتى مەن حالقىنىڭ جانە جەكە ءوزىمنىڭ اتىمنان سىزگە شىن نيەتتى قۇتتىقتاۋىمدى, سونداي-اق سىزگە, جوعارى مارتەبەلى, زور دەنساۋلىق پەن باقىت, دوستاس قازاقستان حالقىنا ودان ءارى گۇلدەنۋ مەن پروگرەسس تىلەگەن يگى تىلەگىمدى جولداعانىم ءۇشىن قۋانىشتىمىن. * * * مەملەكەت باسشىسى نۇرسۇلتان نازارباەۆتى پرەزيدەنتتىك سايلاۋداعى تەڭدەسسىز جەڭىسىمەن ساۋد ارابياسى كورولدىگى پرەمەر-ءمينيسترىنىڭ ورىنباسارى, تاق مۇراگەرى سۇلتان بەن ابدەل ازيز ءال ساۋد تا قۇتتىقتادى.