الەۋمەتتىڭ الەۋەتى – ەلەكتروندى جۇيەدە

ەڭبەك جانە حالىقتى الەۋ­مەتتىك قورعاۋ ءمينيسترى ت.ءدۇي­سەنوۆا اقتوبە وبلىسىن­داعى جۇمىس ساپارىن حالىققا قىز­­مەت كورسەتۋ ورتالىعىنىڭ قىز­­مەتى­مەن تانىسۋدان باستا­دى. مي­نيستر ورتالىق قىزمەت­كەر­لەرى­مەن ءوزارا وي-پىكىر الماسۋ با­رى­سىندا الدىمەن جۇمىسپەن قام­تۋ ءىسى­نىڭ جاي-كۇيىنە نازار اۋداردى. بۇل باعىتتا جۇمىسسىز ءجۇر­گەندەردى تىركەۋ, ولار­دى الەۋ­­مەتتىك جۇمىس ورىندارىنا جولداۋ جانە قايتا دايارلاۋ كۋرس­تارىنان ءوت­كىزۋ جونىندە ءبىر­قاتار جۇ­مىس­تار اتقارىل­دى. دەگەن­مەن, ءمينيستردىڭ ايتۋىن­­شا, اتالعان ورتا­لىق قىز­مە­تىن­دە ءالى دە بولسا شيراتىپ, جەتىلدىرە تۇسەتىن تۇستار بار. اسىرەسە, اقپاراتتىق جۇيەنى ودان ءارى تەرەڭدەتۋ مەن باع­دارلاما شەڭبەرىندەگى دەرەكتەر بازاسىن تولىقتىرۋدا ءوزى­نىڭ شەشى­مىن كۇتىپ تۇرعان ماسە­لەلەر جەتكىلىكتى. قۋرايلى اۋىلدىق وكرۋ­گىنىڭ تۇرعىنداردى تۇراقتى قىزمەتكە تارتۋ جونىندە ءىس ءبىرىنشى كەزەكتە جەرگىلىكتى ات­قارۋشى ورگاندارمەن بىرگە قويان-قولتىق جۇمىس اتقا­رىپ جۇرگەنى وڭ پىكىرگە لايىق­تى. بۇل ورايدا بىلتىردان بەرى بايىپتى باعدارلاما جۇمىس جاساپ كەلەدى. ونىڭ اياسى وكرۋگ­تەگى 8100 تۇر­عىن­دى قامتىپ وتىر. قۋراي­لى­لىق­تاردىڭ حالىق­تى جۇمىسپەن قامتۋ ىسىندەگى تاجىريبەلەرى­نەن ۇيرەنۋگە وبلىستىڭ وزگە 143 اۋىلدىق وكرۋگى ىقىلاس تانىتۋدا. بۇدان ەكى-ءۇش جىل بۇرىن وڭىردەگى اۋىل اكىم­دەرى حالىقتىڭ سا­نى مەن تۇر­عىند­اردىڭ ءمار­تەبەسىن, تۇر­عىن ۇيلەرىنىڭ جاي-كۇ­يىن, كولىك پەن مال سانىن انىق­تاۋدى وزدەرىنىڭ قولىن­داعى شارۋاشىلىق كىتابىنىڭ كومە­گىمەن جۇرگىزىپ كەلگەن. 2015 جىلدان بەرى بۇل ءتاسىل كەلمەس­كە كەتىپ, ونىڭ ورنىن ەلەكتروندى فورمات الماستىردى. بۇل ومىرشەڭ مالىمەتتەر بازاسىمەن جۇمىس ىستەۋگە تولىق مۇمكىندىك بەرەدى. سونداي-اق, ەلەكتروندى جۇيەنىڭ بيىل­عى جىلدىڭ 1 شىلدەسىندە ەن­گى­زىلەتىن مىندەتتى مەديتسي­نالىق ساقتاندىرۋ ىسىنە ۇلكەن سەپتىگى مەن كومەگىن تيگىزە الا­تىندى­عى دا قۋانتادى. ەڭبەك جانە حالىقتى الەۋ­­­­مەت­تىك قورعاۋ ءمينيسترى تاما­­را دۇيسەنوۆا مەن وب­لىس اكىمى بەردىبەك ساپار­باەۆ­تىڭ قاتىسۋىمەن وتكەن كەز­دەسۋ­لەرىندە الەۋمەتتىك قورعاۋ­دى ودان ءارى جاقسارتۋ ءجونىن­دەگى كەڭەستە جانە حالىق­پەن كەزدەسۋلەرىندە جۇ­مىس­پەن قامتۋدى جەتىل­دىرۋ ماسە­لەلەرى تالقى­لان­دى. سون­داي-اق, مينيستر ايماق­تا­عى كاسى­بي-تەح­نيكالىق ما­مان­­دار ازىرلەيتىن ارناۋ­لى وقۋ ورىندارىندا بولىپ, ءبىر وقۋ­شى-ستۋدەنتتىڭ نارىق سۇ­را­نى­سىنا ساي قوس مامان­دىق الۋى قاجەتتىلىگىنىڭ كەي­بىر قىرلارىنا توقتال­دى. ت.دۇيسەنوۆا وقۋ ورىن­دارى­نىڭ وندىرىسپەن بايلا­نىسى­نىڭ وزەكتىلىگىن, ءتاجىري­بەدەن وتكىزۋ كەزەڭىنىڭ جاۋاپ­­تى­­­لى­عىن, ەڭ باستىسى, ستۋ­دەنت­­تەردىڭ وقۋ ورنىن اياقتا­عان­نان كەيىن جۇمىسسىز قال­ماۋى كەرەك­تىگىن جەتكىزدى. تەمىر قۇسايىن, «ەگەمەن قازاقستان» اقتوبە وبلىسى