ەكونوميكالىق قىلمىستارعا – ەرەكشە نازار

پارلامەنت سەناتىندا كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ ۇيىمداستىرۋىمەن «ەكونوميكالىق قىلمىستار جانە زاڭ: ىرىقتاندىرۋ شەكتەرى» تاقىرىبى بويىنشا دوڭگەلەك ۇستەل ءوتتى, دەپ حابارلادى وسى پالاتانىڭ ءباسپاسوز قىزمەتى. كوميتەت توراعاسى سەرىك اقىلباي دوڭگەلەك ۇستەلدى اشا كەلىپ, بۇل باسقوسۋ جەدەل-ىزدەستىرۋ سالاسىنداعى زاڭ­نا­مانى ودان ءارى جەتىلدىرۋ ماسەلە­لەرى بويىنشا پىكىر الماسۋعا ءمۇم­كىندىك بەرەتىنىن اتاپ ءوتتى. «جيىن بارىسىندا الاياقتىق, جال­عان كاسىپكەرلىك, سالىقتان جال­تارۋ, ەكونوميكالىق كونت­را­باندا جانە باسقا دا ماسە­لەلەردى رەتتەيتىن قىلمىستىق كودەكستىڭ باپتارىن قاراستىرۋ كەرەك دەپ ويلايمىز», – دەدى سەناتور. دوڭگەلەك ۇستەلگە قاتىسۋ­شىلار قىلمىستىق كودەكس­تەگى ەكونوميكالىق باعىتتاعى قىل­مىستاردى جاساعانى ءۇشىن بەرىلەتىن جازالاردى رەت­تەي­­تىن بىرقاتار باپتىڭ ءتيىم­دى­لى­گىن تەكسەرۋ قاجەتتىگى تۋعا­نىن ايتتى. ماسەلەن, قىل­مىس­تىق كودەكستىڭ 190-بابىنداعى الاياق­­تىقپەن قاتار, قىل­مى­س­­تىق زاڭدا الاياقتىقتىڭ مەي­لىن­شە كەڭ تارالعان جانە قوعام­­عا قاۋىپتى تۇرلەرى­نە جاۋاپ­­­­كەر­­شىلىك بەلگىلەي­تىن جە­كە­­لە­­گەن قۇرامداردى قاراس­تىرۋ قاجەت. باس پروكۋراتۋرانىڭ ءمالى­مەتتەرى بويىنشا, ونداي ءتۇر­لەرگە تانىستار نەمەسە تۋىس­تاردىڭ وتىنىشتەرى بويىن­شا راسىمدەلەتىن, ازاماتتاردىڭ جالعان قۇجاتتارى پايدا­لانىلعان نەمەسە سەنىمىنە يە بولۋ ارقىلى نەسيە الۋعا باي­­­لانىستى الاياقتىق; ين­تەر­­­نەت-الاياقتىق, ونىڭ ءىشىن­دە قو­سالقى قۇرالدار, ۇيا­لى تە­لە­­فوندار جانە باس­قا دا تاۋار­لاردىڭ ين­تە­­ر­نەت ساۋداسى; جالعان كوم­پا­نيا­لار­دىڭ ءتۇرلى اكتسيالارىن ءوت­كىزۋ تۋرالى سمس-حابارلاما ءجى­­بەرۋ ارقىلى بولاتىن الاياق­تىق جانە باسقالار جاتادى. شاراعا پارلامەنت دەپۋتاتتارى, باس پروكۋراتۋرا­نىڭ, جوعارعى سوتتىڭ, ءادى­لەت مينيستر­لىگىنىڭ, مەم­لە­كەتتىك قىزمەت جانە سىباي­لاس جەم­قور­لىققا قارسى ءىس-قي­مىل اگەنتتىگىنىڭ, قارجى مينيستر­لىگى مەملەكەتتىك كىرىستەر كوميتەتىنىڭ جانە «اتامەكەن» ۇلتتىق كاسىپ­كەرلەر پالاتا­سىنىڭ وكىلدەرى قاتىستى. دوڭگەلەك ۇستەل قورىتىن­دىسى بويىنشا كاسىپكەرلەر قۇ­قىقتارىن قورعاۋ سالا­سىن­داعى زاڭنامانى جەتىل­دىرۋ ءجو­نىندە ۇسىنىستار ازىرلەنىپ, ولار ءتيىستى مەملەكەتتىك ورگان­دارعا جىبەرىلەتىن بولادى.