كاسىپكەرلىكتى دامىتۋعا مەملەكەت-جەكەمەنشىك ارىپتەستىگى اياسىن كەڭەيتۋ زور مۇمكىندىك بەرەدى. وزەكتىلىك – بىرقاتار مەملەكەتتىك قىزمەتتەر كورسەتۋ مىندەتىن بيزنەسكە بەرۋ ىسىنە قاتىستى بولىپ وتىرعانى راس. مەملەكەت مەكتەپكە دەيىنگى وقىتۋ مەن تاربيە ءىسىنىڭ دۇرىس جولعا قويىلۋىن قامتاماسىز ەتۋدە.
وتكەن 3 جىلدا مەملەكەت 40 مىڭ ورىنعا ارنالعان 189 بالاباقشا سالسا, جەكەمەنشىك سەكتور 100 مىڭ ورىنعا ارنالعان 1300 بالاباقشا اشتى. مەن ءۇشىن وسى سەكتورداعى مەملەكەت-جەكەمەنشىك ارىپتەستىگىنىڭ ۇلگىسى وتە ماڭىزدى. بۇل اسا ماڭىزدى جالپىۇلتتىق مىندەتتەردىڭ ءبىرى – 3-6 جاس ارالىعىنداعى بالالاردى مەكتەپكە دەيىنگى ءبىلىم بەرۋمەن 2020 جىلعا قاراي ءجۇز پايىز قامتۋ ماسەلەسىن مەملەكەت پەن بيزنەس بىرلەسە شەشىپ وتىرعانىن كورسەتەدى» دەلىنگەن بيىلعى ەلباسى جولداۋىندا.
سەمەي قالاسىندا دا سوڭعى كەزدە كوپتەگەن بالالاردى دامىتۋ ورتالىقتارى, بالاباقشالار اشىلىپ جاتىر. اسىرەسە, حالىق كوپ قونىستانعان «يۋنوست», 343 جانە 35-كۆارتال اۋداندارىندا اشىلعان سوڭعى ۇلگىدەگى بالالاردى دامىتۋ ورتالىعىندا مەكتەپكە دەيىنگى تاربيە, وقىتۋ سالاسى وڭتايلى جولعا قويىلعان. بۇل ورتالىقتارعا كەلگەن بالالارعا قازاق تىلىمەن قاتار, اعىلشىن ءتىلىن مەڭگەرتۋ دە جاس ەرەكشەلىگىنە ساي قولعا الىنعان. ارينە, قازاق جانە ورىس توپتارىنىڭ تاربيەشىلەرى بالدىرعانداردى جان-جاقتى دامىتىپ, وسىرۋگە اتسالىسۋدا. «جۇمىلا كوتەرگەن جۇك جەڭىل» دەمەكشى, ءار ازامات ەلباسى جولداۋىنداعى تاپسىرمالار مەن مىندەتتەردى ورىنداۋدا وزىندىك ۇلەستەرىن قوسۋى قاجەت.
ناتاليا فەسەنكو,
سەمەي قالالىق ءبىلىم ءبولىمىنىڭ باستىعى
سەمەي
