مەملەكەتتىلىكتى دامىتۋدىڭ جاڭا كەزەڭى

اتا زاڭعا وزگەرىستەر ەنگىزۋ ارقىلى جۇزەگە اسىرىلاتىن سايا­سي رەفورمالاردىڭ باستى باپتارىمەن تانىسۋ ماقساتىندا وبلىستىق, اۋداندىق قوعامدىق كەلىسىم كەڭەستەرى, وبلىستىق قحا عىلىمي-ساراپشىلىق توبىنىڭ مۇشەلەرى, ەتنومادەني بىرلەستىكتەر وكىلدەرى دوستىق ۇيىنە جينالدى. «مەملەكەتىمىزدىڭ باستى قۇن­دىلىقتارىنىڭ ءبىرى – ۇلتارالىق كەلىسىم. ورتاق مۇددە جولىندا ءبىر­لەسە قىزمەت ەتۋدى اتىراۋداعى وزگە ۇلت وكىلدەرى دە قۋاتتايدى. ءبىر­­لىگى مەن بەرەكەسى جاراسقان ەلى­­مىز­دىڭ جاڭا بەلەستەردى باعىن­دى­رۋىنا قابىلدانعان كونستي­تۋ­تسيا­لىق رەفورما وڭ ىقپال ەتەدى دەپ سەنەمىز», – دەدى وبلىستىق قا­زاق­­ستان حالقى اسسامبلەياسى حات­شى­­­لىعىنىڭ باسشىسى گۇلميرا شاكىروۆا. ماجىلىستە تاريح عىلىم­دارىنىڭ كانديداتى, پروفەسسور بولات نىعىمەتوۆ, اتىراۋ وبلىسى قازاقستان حالقى اسسامبلەياسى عىلىمي-ساراپشىلىق توبىنىڭ مۇشەسى, تاريح عىلىمدارىنىڭ دوكتورى كارىم وتەلباەۆ كونستيتۋتسيالىق رەفورمانىڭ مەملەكەتتىلىكتى دامىتۋدىڭ جاڭا كەزەڭى ەكەنى جايىندا ءسوز سويلەدى. وبلىستىق قحا قوعامدىق كەلىسىم كەڭەسىنىڭ توراعاسى ءدۇي­سەن­بەك قۇلجانوۆ, «نوۆرۋز» ازەر­بايجان ەتنومادەني بىرلەستىگىنىڭ توراعاسى ەلدار احمەدوۆ, «بى­لينا» ورىس ەتنومادەني بىرلەستىگى توراعاسىنىڭ ورىنباسارى رايسا بيتكوۆا وزدەرىنىڭ سوزدەرىندە اتالعان رەفورمانى جۇزەگە اسىرۋ جالپىحالىقتىق ءىس ەكەنىنە توقتالدى. قوعامدىق كەلىسىم جانە دوستىق ۇيىندە قازىر 17 ەتنومادەني ءبىر­لەستىك جۇمىس ىستەيدى. ال جاقىندا بارلىق اۋداندارداعى اكىمدىكتەر جانىنان اسسامبلەيا ساياساتىن جۇرگىزۋگە, قوعامدىق كەلىسىم, انا­لار مەن جاستار كەڭەستەرىنىڭ جۇمىستارىن ۇيىمداستىرۋعا ارنايى شتات اشىلدى. باقىتگۇل باباش, «ەگەمەن قازاقستان» اتىراۋ