ۋاقىت كوشىنە ىلەسكەندىگىمەن قۇندى

كوكشەتاۋداعى قوعامدىق كەلىسىم سارايىندا كونستيتۋتسيالىق رەفورمانى تالقىلاعان كۇندەردىڭ جالپى قورىتىندىسىنا ارنالعان ءىس-شارا بولىپ ءوتتى. ونىڭ جۇمىسىنا اقمولا وبلىسى قازاقستان حالقى اسسامبلەياسىنىڭ قۇرىلىمدارى مەن اكتيۆتەر قاتىستى. شارانى وتكىزۋدەگى باستى ماقسات – مەملەكەت باسشىسىنىڭ باستاماسىمەن جۇزەگە اسىرىلىپ جاتقان بيلىك تارماقتارى ارا­سىن­داعى وكىلەتتىكتەردى ءبولۋ ءما­سە­لەلەرىن تالقىلاۋ. شارادا اقمولا وبلىستىق قحا توراعاسىنىڭ ورىنباسارى – حاتشىلىق مەڭگەرۋشىسى مارال جاقىپوۆا ءسوز سويلەپ, اقمولا وبلىسى اكىمىنىڭ ورىنباسارى نۇرلان نۇركەنوۆ توراعالىق ەتتى. سونداي-اق, اقمولا وبلىستىق قازاقستان حالقى اسسامبلەياسى جانىنداعى قوعامدىق كەڭەس توراعاسى عوسمان تولەعۇل, تاريح عىلىمدارىنىڭ كانديداتى, دوتسەنت, ا.مىرزاحمەتوۆ اتىنداعى كوكشەتاۋ ۋنيۆەرسيتەتىندەگى قحا كافەدراسى مەڭگەرۋشىسىنىڭ ورىنباسارى ارداق قاپىشەۆ پەن اقمولا وبلىستىق اكىمدىگى اپپاراتى جانىنداعى «قوعامدىق كەلىسىم» مكم مەدياتورى, وتستاۆكاداعى سۋديا عايشا سىزدىقوۆا ءوز ويلارىن ورتاعا سالدى. ارداق قاپىشەۆ كونستيتۋتسياعا ەنگىزىلگەن وزگەرىستەر تاعدىرشەشتى شەشىمدەر ەكەندىگىن ايتا كەلىپ, ولاردىڭ ءارى قارايعى دامۋىمىزدىڭ نەگىزگى باعىتى بولىپ تابىلاتىنىنا ەرەكشە نازار اۋدارتتى. ءما­سە­لەن, ءماجىلىس توراعاسى نۇرلان نىع­ماتۋلين كونستيتۋتسياعا ەن­گىزىل­گەن وزگەرىستەرگە قاتىستى سوزىندە كونستيتۋتسيالىق رەفور­مانىڭ دەموكراتيانى ودان ءارى دامىتۋ, كۇشتى پرەزيدەنتتىك بيلىكتى ساقتاي وتىرىپ, پارلامەنت پەن ۇكىمەتتىڭ جاۋاپكەرشىلىگىن ارتتىرۋ ەكەندىگىن باسا ايتقان بولاتىن. بۇل تۇرعىدان كەلگەندە, اق­مولا وبلىستىق قازاقستان حال­قى اسسامبلەياسىنىڭ عىلىمي-ساراپ­شىلىق توبىنىڭ ۇسىنىسىنا ءساي­كەس, ەلباسى جولداۋى مەن رەسپۋب­ليكا حالقىنا جاساعان ۇندەۋى ءبىر-ءبىرىن تولىقتىرىپ, قازاقستاننىڭ ءۇشىنشى جاڭعىرۋى مەن بيلىك تارماقتارى اراسىنداعى ەلىمىزدىڭ ساياسي جۇيەسىنە وزگەرىستەر ەنگىزۋ باستاماسىمەن استاسىپ جاتقاندىعى ەرەكشە اتالدى. ەڭ باستىسى, ەل كونستيتۋتسياسىنا وزگەرىستەر مەن تولىقتىرۋلار دەر كەزىندە جۇزەگە اسىرىلعاندىعىمەن ەرەكشەلەنەدى. اسقار تۇراپباي ۇلى, «ەگەمەن قازاقستان» اقمولا وبلىسى