كانديداتتىققا 188 ادام تىركەلدى

كەشە قازاقستان رەسپۋبليكاسى ورتالىق سايلاۋ كوميسسياسىنىڭ مۇشەسى مارات سارسەمباەۆ ءماسليحاتتاردىڭ شىعىپ قالعان دەپۋ­تات­تارىنىڭ ورنىنا كانديداتتاردى تىركەۋ قورىتىندىلارى جانە ولاردىڭ سايلاۋالدى ناۋقاندى جۇرگىزۋى تۋرالى بريفينگ وتكىزدى. ورتالىق سايلاۋ كوميسسياسى مۇشەسىنىڭ حاباردار ەتۋىنشە, ءماس­لي­حاتتاردىڭ شىعىپ قالعان دەپۋتات­تارىنىڭ ورنىنا سايلاۋ ناۋقانى شەڭبەرىندە ەلىمىز بويىنشا سايلاۋ وتەتىن 58 سايلاۋ وكرۋگىندە بو­ساعان دەپۋتاتتىق مانداتتارعا بارلىعى 201 ۇمىتكەر ۇسىنىلدى. ال وكرۋگتىك سايلاۋ كوميسسيالارىنىڭ ءماس­ليحاتتاردىڭ شىعىپ قالعان دەپۋتاتتارىنىڭ ورنىنا كانديداتتار رەتىندە تىركەۋ كەزەڭىنىڭ قورى­تىندىسىندا بويىنشا 188 ادام تىركەلدى. وسىلايشا, قازىرگى ۋاقىتتا ءماسليحاتتاردىڭ شىعىپ قالعان دەپۋتاتتارىنىڭ ورنىنا سايلاۋدا بوس ءبىر دەپۋتاتتىق مانداتقا ورتاشا باسەكەلەستىك ۇشتەن اسا ۇمىتكەردى قۇرايدى. «كانديداتتاردىڭ 62-ءسى قا­زاق­ستان رەسپۋبليكاسى ساياسي پارتيا­لارىنىڭ مۇشەلەرى, 69-ى پارتيا قاتارىندا جوقتار, 57-ءسى ءوزىنىڭ پارتياعا تيەسىلىگىن كورسەتپەگەن, – دەدى م.سارسەمباەۆ. – قازىرگى كەزدە ءتىر­كەلگەن كانديداتتاردىڭ سايلاۋالدى ۇگىت ناۋقانى ءجۇرىپ جاتىر. سايلاۋ زاڭناماسىنا سايكەس, سايلاۋالدى ۇگىتتى جۇرگىزۋ ءۇشىن بارلىق كانديداتتارعا تەڭ جاعدايلارعا كەپiلدiك بەرىلەدi. اتاپ ايتقاندا, مەملەكەت كانديداتتارعا تەلەديداردان 15 مينۋت ءسوز سويلەۋiنە, راديودان 10 مينۋت ءسوز سويلەۋىنە, سون­داي-اق, باسپا باسىلىمدارىندا 0,1 باسپا تاباقتان اسپايتىن كولەم­دە ەكi ماقالا جاريالاۋىنا كەپىلدىك بەرەدى». وسك مۇشەسىنىڭ اتاپ وتكەنىندەي, جەرگiلiكتi اتقارۋشى ورگاندار تيiستi سايلاۋ كوميسسيالارىمەن بiرلەسiپ بارلىق كانديداتتار ءۇشiن ۇگىتتiك باسپا ماتەريالدارىن ورنالاستىرۋ ءۇشiن ورىن بەلگiلەيدi جانە ولاردى ستەندتەرمەن, تاقتالارمەن, تۇعىرلىقتارمەن جاراقتاندىرادى. ۇگiتتiك باسپا ماتەريالدارى بارلىق كانديداتتار ءۇشiن تەڭ قۇقىقتار قامتاماسىز ەتەتiن جاعدايدا ورنالاستىرىلادى. تىركەلگەن ءاربىر كانديدات سايلاۋالدى ۇگىت جۇرگىزۋ ءۇشىن كانديداتتىڭ جەكە قاراجاتىنان (2 445 900 تەڭگەدەن اسپايتىن), كان­دي­داتتى ۇسىنعان قوعامدىق بiرلەس­تiك بولگەن قاراجاتتان (4 891 800 تەڭگەدەن اسپايتىن) جانە ەل ازا­ماتتارى مەن ۇيىمدارىنىڭ ەرiكتi قايىرمالدىقتارىنان (7 337 700 تەڭ­گەدەن اسپايتىن) تۇراتىن ءوزىنىڭ سايلاۋ قورىن قۇرا الادى. ءماس­ليحاتتىڭ دەپۋتاتتىعىنا كاندي­داتتىڭ سايلاۋ قورىنداعى اقشالاي قاراجاتتىڭ شەكتى مولشەرى 14 675 400 تەڭگەدەن اسپاۋى ءتيىس. باق شارت نەگىزىندە تىركەلگەن كانديداتتارعا ەفير ۋاقىتىن جانە ءباسپاسوز بەتىنەن ورىن بەرەدى. بۇل رەتتە شارت تالاپتارى بەلگiلi بiر كانديداتقا ارتىقشىلىق تۋعىزباۋعا تيiس, – دەدى م.سارسەمباەۆ ءارى قاراي. – سايلاۋ قورىن قۇرمايتىن ازاماتتار قارجىلاندىرۋدى قاجەت ەت­پەيتىن سايلاۋالدى ۇگىت جۇرگىزۋگە قۇ­قىلى. سايلاۋ كۇنى جانە ونىڭ ال­دىنداعى كۇنى باق-تا ۇگىت ماتەريالدارىن جاريالاۋعا جول بەرىلمەيدi. ال ۇگىت ناۋقانى 2017 جىلعى 24 ناۋرىز كۇنگى ساعات 24.00-گە دەيىن جالعاسادى». * * * كەشە, سونداي-اق, ورتالىق سايلاۋ كوميسسياسىنىڭ وتىرىسى ءوتتى. وندا «نۇر وتان» پارتياسىنىڭ مۇشەسى البەرت پاۆلوۆيچ راۋ­دى قا­­زاقستان رەسپۋبليكاسى پارلا­مەنتى ءماجىلىسىنىڭ دەپۋتاتى ەتىپ تىركەۋ تۋرالى شەشىم قابىلداندى. شەشىم «قازاقستان رەسپۋب­لي­كاسىنداعى سايلاۋ تۋرالى» قازاق­ستان رەسپۋبليكاسىنىڭ 1995 جىلعى 28 قىركۇيەكتەگى كونستيتۋتسيالىق زاڭىنىڭ 46, 97-1 جانە 98-باپتارى­نا سايكەس, «نۇر وتان» پارتيا­سى ساياسي كەڭەسى بيۋروسىنىڭ قاۋ­لىسى نەگىزىندە قابىلدانىپ وتىر. البەرت راۋعا ورتالىق سايلاۋ كو­ميسسياسىنىڭ توراعاسى بەرىك يما­شەۆ پارلامەنت ءماجىلىسى دەپۋتا­تىنىڭ كۋالىگى مەن ومىراۋعا تاعاتىن بەلگىنى تاپسىردى. ءاليسۇلتان قۇلانباي, «ەگەمەن قازاقستان»