جول جوندەۋ جالعاسادى

استانادا بيىلعى جىلعى جول-قۇرىلىس جۇمىستارىنىڭ ماۋسىمى باستالدى. وندا نەگىزگى ەكپىن قالانىڭ تاريحي بولىگى مەن ونىمەن بىرىككەن تۇرعىن الا­بىنداعى اۆتوموبيل جولى­نىڭ ينفراقۇرىلىمىن جەتىلدىرۋگە تۇسىرىلگەن. استانا قالاسى اكىمى اپپاراتىنىڭ ءباسپاسوز قىز­مەتىنىڭ مالىمەتتەرىنشە, ءما­س­ەلەن, 23,7 شاقىرىم جول سا­لىنىپ, 10 شاقىرىمىنا ءجون­دەۋ, 18,5 شاقىرىم جولعا قايتا جوندەۋ جۇمىستارى جۇرگىزىلەدى دەپ جوسپارلانعان. سونداي-اق, قالامەن بىرىككەن ەلدى-مەكەندەردە 55,7 شاقىرىم جول سالىنۋى ءتيىس بولسا, جولاۋشىلار كولىگى جانە اۆتوموبيل جولدارى باس­قارماسى جاڭا 11 تۇرعىن الا­بىن­دا جالپى ۇزىندىعى 140,88 شاقىرىم بولاتىن جول جەلىسىن سالۋ جوباسىن دايىنداۋعا كىرىسىپ كەتكەن. قۇرىلىس قارجى ءبو­لىنگەننەن كەيىن جۇزەگە اسىرىل­ماق. جوندەۋ جۇمىستارى 9 ءساۋىر­دە قالانىڭ تاريحي بولىگىندەگى ەكى ماڭىزدى كوشە – جەڭىس داڭعىلى مەن يمانوۆ كوشەسىنەن باستاۋ الدى. 2001 جىلى جەڭىس داڭعى­لىنا كۇردەلى جوندەۋ ءجۇر­گىزىلگەن بولاتىن, الايدا, كوپتەگەن اپاتتى جاعدايلارعا بايلانىستى جول توسەمى بىرنەشە مارتە اشىل­عان. بۇل ءوز كەزەگىندە, بۇگىنگى كۇيىنە كەرى اسەرىن تيگىزدى. وسىنى ەسكەرە وتىرىپ, اۆتوموبيل جو­لىنا كۇردەلى جوندەۋ جۇرگىزۋمەن قاتار, ونىڭ استىندا ورنالاسقان كوممۋنيكاتسيالار – اپاتتىق جاع­دايدا ورنالاسقان جىلۋ جۇيەسى, سۋ قۇبىرى مەن كارىزدى كەشەندى اۋىس­تىرۋ جونىندە شەشىم قابىل­دانعان. بۇل نىسانداردىڭ كوپشى­لىگى 70-جىلداردىڭ ورتاسىندا سا­لىنعان. الايدا, ولاردىڭ كەيبىر بولشەكتەرى, ماسەلەن, كارىز جەلى­سىنىڭ ءبىر بولىگى 40-جىلدارى اعاش­تان جاسالعان. جالپى العان­دا سوڭعى ءۇش جىل ىشىندە ينجەنەرلىك جەلىلەردىڭ ەسكىرۋى ءناتي­جەسىندە 35 ءىرى اپات ورىن العان جانە ولاردىڭ سالدارىن جويۋ ماقساتىندا جول توسەمىن قازۋ جۇمىستارى جۇرگىزىلگەن. جەڭىس داڭعىلى مەن يمانوۆ كوشەسىن قايتا جوندەۋ جوبا­سىنا سايكەس جاڭا ينجەنەرلىك جەلىلەر سالۋ, ەسكى ينجەنەرلىك جەلىلەردى اۋىستىرۋ جانە قايتا سالۋ, كولىك قوزعالاتىن جول ءبو­لىگىن كەڭەيتۋ, قوسىمشا اۆتو­تۇ­راق ورىندارىن, جاياۋ جۇرگىن­شىگە ار­نالعان جولدار سالۋ, جاڭا باعدارشام, جىلدامدىق ءول­شەۋىش­تەر, جول بەلگىلەرى جانە جول قوزعالىسىن رەتتەيتىن باسقا دا تەحنيكالىق قۇرىلعىلاردى ورناتۋ قاراستىرىلعان. اتالعان جوبانى جۇزەگە اسى­رۋدا سۋ جۇيەسىن ۋاقىتشا اعىتۋ, سونداي-اق, اتالعان ماگيسترالدار بويىنشا قوعامدىق كولىك قوزعالىسى كەستەسىنە وزگەرىستىڭ ەنگىزىلىپ, جولدارعا شەكتەۋ قويۋ­عا بايلانىستى تۇرعىندارعا بىرقاتار قولايسىزدىق تۋعىزارى بەلگىلى. وسىعان بايلانىستى استانا قالاسىنىڭ جول پوليتسياسى باسقارماسى اۆتوكولىكتەرگە اينالما جولمەن ءجۇرۋدى الدىن-الا جوسپارلاپ, جولداردى اينا­لىپ ءوتۋدىڭ بەلگىلەنگەن سىزبا­لارىن پايدالانۋعا كەڭەس بەرەدى. قايتا جوندەۋ جۇمىستارى كەزىندە اۆتوكولىك جۇرگىزۋشىلە­رىن ەسكەرتۋ ماقساتىندا جەڭىس داڭعىلى مەن يمانوۆ كوشە­سىندەگى ۇيلەردىڭ كىرەبەرىستەرىندە ەسكەرتۋ جانە تىيىم سالاتىن جول بەلگىلەرى ىلىنبەك. ءابدىراحمان قىدىربەك.