دامۋىمىزعا داڭعىل جول سالعان

قازاقستان رەسپۋبليكاسىنىڭ پرەزيدەنتى – ەلباسى نۇرسۇلتان ءابىش ۇلى نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋى ءبىزدىڭ ماڭگىلىك ەلگە باعىت العان داڭعىل جولىمىزدى ناقتى كورسەتىپ بەرىپ وتىر. جولداۋدا: «مەن قازاقستان حالقىنا جاڭا ءداۋىر قارساڭىندا ءسوز ارناپ وتىرمىن. ەلىمىز ءوزىنىڭ 25 جىلدىق دامۋ كەزەڭىنەن ابىرويمەن ءوتتى. ءبىز ەلىمىزدى ماقتان تۇتامىز...», – دەپ اتاپ كورسەتكەن. سول 25 جىلدىق تاماشا تابىستارىمىز بەن جەتىستىكتەرىمىزدى بۇگىندە بۇكىل الەم بىلەدى جانە جوعارى باعالايدى. ارينە, ەلىمىزدىڭ قول جەتكىزگەن جەتىستىكتەرى, ابىرويىمىزدىڭ اسقاقتاۋى – ءبارى-ءبارى مەملەكەت باسشىسى نۇرسۇلتان نازارباەۆتىڭ كەمەڭگەر باسشىلىعى مەن كەمەل ساياساتىنىڭ ارقاسى. ەلباسىمىزعا شەكسىز العىسىمىزدى ايتامىز, اماندىعىن تىلەيمىز. مەن كوپبالالى «باتىر انامىن». جاسىم 80-نەن اسىپ كەتتى. ۇلىمدى ۇياعا, قىزىمدى قياعا قوندىرىپ, نەمەرە, شوبەرە, شوپشەك ءسۇيىپ, ەلباسى نۇرسۇلتان نازارباەۆتىڭ ارقاسىندا ەش الاڭسىز باقىتتى ءومىر ءسۇرىپ كەلەمىن. ەلگە بىرلىك, بەرەكە, ەلباسىنا اماندىق تىلەيمىن. رابيعا ابدىعوجينا, كوپبالالى «باتىر انا» قاراعاندى وبلىسى, ۇلىتاۋ اۋدانى