ديپلوماتيالىق وكىلدى قابىلدادى

سەنات توراعاسى قاسىم-جومارت توقاەۆ ۆاتيكاننىڭ قازاقستانداعى اپوستول ءنۋنتسيى فرەنسيس اسسيزي چۋلليكاتتى قابىلدادى, دەپ حابارلادى سەناتتىڭ ءباسپاسوز قىزمەتى. ق.توقاەۆ بيىل قازاقستان مەن كيەلى تاق اراسىنداعى ديپ­لو­ماتيالىق قاتىناستار ورنا­عانىنا 25 جىل تولاتىنىن اتاپ ءوتتى جانە ءبىزدىڭ ەلىمىزدىڭ ۆاتي­كانمەن ءوزارا ءىس-قيمىلى مەن ءوزارا تۇسىنىستىكتەگى جوعارى دەڭ­گەيى تۋرالى ريزاشىلىقپەن ايتىپ بەردى. كەزدەسۋ بارىسىندا الەمدىك جانە ءداستۇرلى دىندەر ليدەرلەرى حات­شىلىعىنىڭ الداعى 18 مامىر­داعى وتىرىسىنىڭ ماسە­لە­­لەرى قارالدى. استانادا 2018 جى­لى وتەتىن VI سەزدىڭ كۇن ءتارتى­­بىن قالىپتاستىرۋعا ريم-كاتو­­ليك شىركەۋىنىڭ بەلسەن­دى قاتى­­سۋىنىڭ ماڭىزى اتاپ ءوتىلدى. جۇزدەسۋشىلەر بيىل­عى قىر- كۇيەكتىڭ باسىندا ەكسپو-2017 حالىقارالىق كور­مە­سىنىڭ اياسىندا ءتۇرلى كونفەس­سيالاردىڭ ءدىني قايراتكەرلەرىنىڭ قاتىسۋىمەن بىرلەسكەن شارا وتكىزۋ تۋرالى اڭگىمە ءوربىتتى. سەنات توراعاسى اپوستول ءنۋنتسيىن ءبىزدىڭ ەلىمىزدەگى كونس­تيتۋتسيالىق رەفورما تۋرالى حاباردار ەتتى. ف.ا.چۋلليكاتت ءوز كەزەگىندە: «ءبىز قازاقستانداعى جاڭا ساياسي رەفورمالارعا قولداۋ بىلدىرەمىز. سىزدەردىڭ ەلدەرىڭىز ايماقتاعى دەموكراتيالىق دا­مۋدىڭ ۇلگىسى بولىپ تابىلادى. تاۋەلسىزدىكتىڭ شيرەك عاسى­رىندا قازاقستان اۋقىمدى ىستەر اتقاردى, دامۋدا زور جەتىستىكتەرگە جەتتى», دەپ اتاپ ءوتتى.