قالامگەر اكادەميك اتاندى

قازاقستان جۋر­­ناليستيكا اكا­دە­مياسى جالپى جي­­نالىسىنىڭ شە­شى­مىمەن قالامگەر, قا­زاقستاننىڭ ەڭ­بەك سىڭىرگەن قاي­راتكەرى, پرەزيدەنت سىيلى­عىنىڭ لاۋرەاتى قايسار ءالىم اكا­دەميانىڭ تو­لىق مۇشەسى – اكا­دەميگى بولىپ سايلاندى. بۇل اتاق وعان جۋرناليستيكا سالاسىنداعى كوپ جىل­عى ۇزدىك تابىستارى ءۇشىن بە­رىلدى. بۇكىل سانالى عۇمىرىن قازاق ءباسپاسوزىنىڭ دامىپ, وركەندەۋىنە ارناعان قارىمدى قالامگەر وتىزعا جۋىق كىتاپ­تىڭ اۆتورى. «الاش­شىل ءجۇ­رەك», «مۇڭدى ساپار», «ما­حاببات جىرشىسى», «كاۋ­سار», «مەككە, ءمادينام مە­نىڭ!»,ت.ب. تۋىندىلارى وقىر­ماندار ىقىلاسىنا بولەندى. ونىڭ سەگىز تومدىق شىعارمالار جي­نا­عىنا ەنگەن حي­كايات­تارى مەن ءاڭ­گىمەلەرى, نوۆەللالارى مەن ەسسەلەرى, جۋر­نا­ليس­تىك زەرتتەۋلەرى جو­عارى باعالاندى. قايسار ءالىمنىڭ شىعارماشىلىعى تۋرالى قازاق­ستان­نىڭ حالىق جازۋشىلارى سىرباي ماۋلەنوۆ, ءازىلحان نۇرشايىقوۆ, عا­فۋ قايىربەكوۆ, الاش ارىستا­رىنىڭ سوڭعى تۇياعى اتانعان گۇلنار مىرجاقىپقىزى, بەلگىلى اقىندار سەرىك تۇرعىنبەكوۆ پەن سەرىكباي وسپانوۆ, ادىلعازى قايىربەكوۆ,ت.ب. جىلى لەبىز بىلدىرگەن. بۇگىندە 70 جاستىڭ بە­لەسىنە شالدىقپاي كوتەرىل­گەن قادىر­مەندى ارىپتەسىمىزگە تىڭ شىعار­ماشىلىق تابىس­تار تىلەيمىز.