گولوۆكين: دجەيكوبس ماعان قاراعاندا مىقتى بوكسشى

ورتا سالماقتا WBA (Super), IBO, WBC جانە IBF تۇجىرىمدارى بويىنشا الەم چەمپيونى قازاقستاندىق گەننادي گولوۆكين الداعى قارسىلاسى WBA (Regular) بەلبەۋىنىڭ يەگەرى دەننيەل دجەيكوبس جايلى وي ءبولىستى. «ءبىزدىڭ جەكپە-جەگىمىزدە نوكاۋت تىركەلەتىنىن الدىن الا بولجاپ ايتا المايمىن. بۇل بوكس. دەنني كەرەمەت بوكسشى. ماعان قاراعاندا كۇشى دە كوبىرەك سياقتى. مەن ءۇشىن ول قاۋىپتى سپورتشىلاردىڭ ءبىرى. قارسىلاستارىن قىسپاققا الىپ, شابۋىلعا ءجيى شىعاتىنىن ايتا كەتكەن ءجون. وزىندىك ءادىسى دە بار, تەحنيكاسى دا مىقتى. ءوز باسىم ونى قاتتى سىيلايمىن», – دەدى Boxingnews24.com باسىلىمىنا بەرگەن سۇحباتىندا. ايتا كەتەيىك, دەننيەل دجەيكوبس 2011 جىلى ىسىك دەرتىنە شالدىعىپ, دارىگەرلەر بوكسقا قايتا ورالۋىنا تىيىم سالعان. بىراق اۋرۋىن جەڭگەنمەن قويماي, بۇگىندە ورتا سالماقتاعى ءۇزدى بوكسشىلاردىڭ ءبىرى اتانىپ ءجۇر. گولوۆكين مەن دجەيكوبس اراسىنداعى ايقاس 18 ناۋرىز كۇنى اقش-تىڭ نيۋ-يورك قالاسىنداعى Madison Square Garden ارەناسىندا وتەدى. ەلىمىزدە بۇل ايقاستى 19 ناۋرىزدا «قازاقستان» جانە «KazSport» تەلەارنالارى تىكەلەي ەفيردە كورسەتەدى.