مەلبۋرندەگى تۇزدى وزەن كۇن ساۋلەسىنىڭ اسەرىنەن, جوعارى تەمپەراتۋرا مەن جاۋىن-شاشىننىڭ از بولۋىنان القىزىل تۇسكە بويالدى, دەپ جازادى ۆۆس ۋەستگەيت پاركىنىڭ اكىمشىشىگىنە سىلتەمە جاساپ. مامانداردىڭ ايتۋىنشا, وزەننىڭ تۇبىندە وسەتىن بالدىرلار وسىنداي اۋا رايىندا قىزىل پيگمەنتتەر بولەدى. مۇنداي جاعداي يسپانيا, كانادا جەرىندەگى بىرنەشە وزەندە دە بايقالادى.
پارك قىزمەتكەرلەرىنىڭ ايتۋىنشا, وزەن ءتۇسىنىڭ وزگەرۋىنە Dunalliela اتتى ءبىر جاسۋشالى بالدىر اسەر ەتكەن.
"بۇل بالدىر تابيعي ءونىم. كوپشىلىگى بۇل وندىرىستىك اپاتتان نەمەسە قىزىل بوياۋ توگىلگەننەن بولدى دەيدى. ولاي ەمەس", دەيدى قىزمەتكەرلەر. ال عالىمداردىڭ ايتۋىنشا, ءتۇسى وزگەرگەن وزەننىڭ سۋى ادامعا قاۋىپسىز بولعانىمەن, ول وتە تۇزدى بولعاندىقتان, شومىلماعان ءجون.
ءبىر ايتا كەتەرلىگى, اۋا تەمپەراتۋراسى قايتا ءتۇسىپ, جاۋىن-شاشىن باستالعاندا, وزەننىڭ سۋى قايتادان تابيعي قالپىنا كەلەدى.
