ديماشتىڭ توعىزىنشى كەزەڭدە قانداي ءان شىرقايتىنى بەلگىلى بولدى (ۆيدەو)

قىتايدىڭ «I’m a Singer» بايقاۋىنا قاتىسىپ جاتقان قازاقستاندىق ءانشى ديماش قۇدايبەرگەننىڭ بايقاۋدىڭ توعىزىنشى كەزەڭىندە قانداي ءان شىرقايتىنى بەلگىلى بولدى, دەپ حابارلايدى قازاقپارات. Sina weibo الەۋمەتتىك جەلىلەرىندە بايقاۋعا قاتىسۋشى انشىلەردىڭ توعىزىنشى كەزەڭدە ورىندايتىن اندەرىنىڭ ءتىزىمى جاريالاندى. وتانداسىمىز امەريكالىق ەريك كارمەننىڭ 1975 جىلعى تۋىندىسى «All by Myself» ءانىن ورىندايتىن بولادى. بۇل ءاندى كانادالىق ءانشى سەلين ديون 1996 جىلى ورىنداپ, الەمدىك حيتقا اينالعان. ايتا كەتەيىك, ديماش بايقاۋدىڭ ءتورت اينالىمىن (سەگىز كەزەڭ) ارتتا قالدىرىپ, ءوز جولىن جالعاستىرىپ كەلەدى. بۇل كۇندە باستاپقى جەتى انشىدەن تەك ۇشەۋى عانا قالدى. ءتورتىنشى اينالىمدا (جەتىنشى جانە سەگىزىنشى كەزەڭ) ديماش «دايديداۋ» انىمەن ءۇشىنشى ورىن, قىتايشا «تاڭ اتتى» انىمەن بەسىنشى ورىندى يەلەندى. ءتورتىنشى اينالىمنىڭ قورىتىندىسى بويىنشا ديماش بەسىنشى ورىندى قاناعات تۇتىپ, كەلەسى اينالىمعا جولداما العان بولاتىن.