قازاقستان اۋماعىندا ەكى مارتە جەر سىلكىنىسى بولدى

قازاقستان اۋماعىندا ەكى مارتە جەر سىلكىنىسى بولدى, دەپ حابارلايدى قازاقپارات. «قر بعم سەيسمولوگيالىق تاجىريبە-ادىستەمەلىك ەكسپەديتسياسى» مم سەيسميكالىق ستانسالار جەلىسى 9 ناۋرىز كۇنى الماتى ۋاقىتىمەن 04 ساعات 33 مينۋت 36 سەكۋندتا جەر سىلكىنىسىن تىركەگەن بولاتىن. «ءزىلزالا وشاعى الماتى قالاسىنان سولتۇستىك-باتىسقا قاراي 407 شاقىرىم قاشىقتىقتا قازاقستان اۋماعىندا ورنالاسقان. جەر سىلكىنىسىنىڭ ەنەرگەتيكالىق ساناتى - 9.3. MPV باعانى بويىنشا ماگنيتۋداسى - 4.0. تەرەڭدىگى - 10 شاقىرىم. مSك-64 باعانى بويىنشا سەزىلۋ تۋرالى اقپاراتتار تۇسكەن جوق», - دەلىنگەن تاراتىلعان حابارلامادا. سونىمەن قاتار, «قر بعم عىلىم كوميتەتىنىڭ سەيسمولوگيالىق تاجىريبە-ادىستەمەلىك ەكسپەديتسياسى» مم-نىڭ سەيسميكالىق ستانسالار جەلىسى الماتى ۋاقىتىمەن 08 ساعات 00 مينۋت 01 سەكۋندتا بولعان جەر سىلكىنىسىن تىركەدى. "جەر سىلكىنىسىنىڭ وشاعى الماتىدان وڭتۇستىككە قاراي 326 شاقىرىم قاشىقتىقتا, قىتاي مەن قىرعىز رەسپۋبليكاسىنىڭ شەكاراسىندا ورنالاسقان. ءزىلزالانىڭ ەنەرگەتيكالىق كلاسى -9.5. تەربەلىسى  - MPV 4.1, تەرەڭدىگى - 5 شاقىرىم. ءزىلزالا ءدۇمپۋى الماتىدا سەزىلگەن جوق», - دەپ حابارلادى ستاە.