اۋىلدا كاسىپكەر ايەلدەر ازايىپ, قالادا كوبەيىپ جاتىر

2015 جىلى ءوزىن ءوزى جۇمىسپەن قامتۋدى قازاقتاردىڭ ازايعانىنان كەيىن 2016 جىلى حالىق جەكە ءىس اشۋعا قايتا بەت بۇرا باستادى. وتكەن جىلدىڭ قورىتىندىسى بويىنشا, ءوزىن ءوزى عانا ەمەس, سونىمەن قاتار وزگەلەردى دە جۇمىسپەن قامتىپ وتىرعان ايەلدەر سانى 31 مىڭنان استى. بۇل الدىڭعى جىلمەن سالىستىرعاندا 4 پايىزعا ارتىق. ەستەرىڭىزگە سالا كەتەيىك, 2015 جىلى ەلدەگى جۇمىسپەن قامتۋشى ايەلدەر سانى 35 پايىزعا قۇلدىراپ كەتكەن ەدى. جەكە نەگىزدە جەمىستى ەڭبەك ەتىپ وتىرعان ايەلدەر سانى وتكەن جىلى بەس پايىزعا ارتتى. ال ونىڭ الدىڭعى جىلى بۇل كورسەتكىش ەكى پايىزعا تومەندەگەن بولاتىن. سوڭعى ەكى جىلدا جۇسمىسپەن قامتۋشى ايەلدەر سانىنىڭ قۇرىلىمى وزگەردى. 2015 جىلى بۇل ساناتتاعى ايەلدەردىڭ ىشىندە اۋىل ايەلدەرى كوپ بوسلا (55 پايىز), بىلتىر قالا ايەلدەرى جەكە كاسىپكە كوبىرەك بەت بۇرا باستاعانى بايقالدى. ناقتىراق ايتار بولساق, وتكەن جىلدىڭ قورىتىندىسى بويىنشا, وزگەلەردى جۇمىسپەن قامتىپ وتىرعان ىسكەر ايەلدەر سانى اۋىلدىق جەردە 13 مىڭ بولسا, قالادا بۇل كورسەتكىش 18 مىڭدى قۇرايدى. ياعني, ءبىر جىلدا قالاداعى ىسكەر ايەلدەر سانى 12 پايىزعا ارتسا, اۋىلداعى ايەلدەر 6 پايىزعا ازايدى. جالپى, ەلدە قازىر “دامۋ” كقق” اق ارقىلى 10 بانك كاسىپكەرلەرگە نەسيە بەرەدى. سونىڭ ىشىندە 9 بانكتىڭ ارنايى ايەلدەر كاسىپكەرلىگىنە ارنالعان باعدارلامالارى بار. “دامۋ” قورىنىڭ شارتى مىناداي: ءتيىمدى جىلدىق سىياقى قۇنى 14 پايىز. نەسيە كولەمى 30 000 000 تەڭگەگە دەيىن. مەرزىمى اينالىمداعى قارجىنى تولتىرۋعا 36 ايعا دەيىن, ال نەگىزگى قارجىنى يەمدەنۋ مەن جاڭعىرتۋعا 60 ايعا دەيىن. شوب-تى قارجىلاندىراتىن بانكتەردىڭ ورتاشا پايىزدىق مولشەرلەمەسى 17,6 پايىزدان باستالادى.