ۇيىممەن ءوزارا ءىس-قيمىلدىڭ وزەكتى ماسەلەلەرى تالقىلاندى

پارلامەنتتە سەنات توراعاسى قاسىم-جومارت توقاەۆ بۇۇ باس حاتشىسىنىڭ ساياسي ماسەلەلەر جونىندەگى كومەكشىسى ميروسلاۆ ەنچانى قابىلدادى. كەزدەسۋ اياسىندا قازاقستان مەن بۇۇ-نىڭ ءوزارا ءىس-قيمىلىنىڭ وزەكتى ماسەلەلەرى تالقىلاندى. بيىل قازاقستاننىڭ بىرىككەن ۇلت­تار ۇيىمىنا مۇشەلىككە قابىل­دانعانىنا 25 جىل تولدى. وسىعان وراي ۇيىمداستىرىلعان شارادا ق.توقاەۆ قازاقستاننىڭ تاۋەلسىز مەملەكەت رەتىندە قالىپتاسۋى مەن دامۋىن­داعى جاھاندىق ۇيىم­نىڭ ماڭىزدى ءرولىن اتاپ ءوتىپ, كونس­تي­تۋ­تسيالىق رەفورمالارعا قاتىس­تى جاڭا تۇزەتۋلەر قازاقستان مەملە­كەتى­نىڭ دەموكراتيالىق, زايىرلى, قۇقىق­تىق جانە الەۋمەتتىك نەگىزدەرىن بەكىتەتىنى تۋرالى پىكىرىن ءبىلدىردى. «رەفورما بيلىك تارماقتارى اراسىنداعى وكىلەتتىكتەردى قايتا ءبولۋدى عانا ەمەس, تاۋەلسىزدىكتىڭ مىزعى­ماستىعى مەن قازاقستاننىڭ تۇڭ­عىش پرەزيدەنتى نەگىزىن قالاعان باستى قاعيدالار جونىندەگى ەرەجە­لەردى دە قامتيدى», دەدى ق.توقاەۆ. سونداي-اق, ەكەۋارا اڭگىمە با­رىسىندا توراعا قازاقستانداعى ادام قۇقىقتارى جونىندەگى ۋاكىلدىڭ مارتەبەسى مەن جاۋاپكەرشىلىگى كۇشەيە تۇسەتىنىنە, ويتكەنى, ول لاۋازىمعا پرەزيدەنتتىڭ ۇسىنۋى بو­يىنشا سەنات سايلايتىنىنا جانە جۇمىستان بوساتاتىنىنا نازار اۋداردى. كەزدەسۋدە تاراپتار قازاق­ستان­نىڭ بۇۇ قاۋىپسىزدىك كەڭەسىنە مۇشە بولعان كەزدەگى ورتالىق ا­زيا­داعى جاعداي تۋرالى دا پىكىر ال­ماس­تى. سەنات توراعاسى ايماقتىق قاۋىپ­سىزدىك پەن ىنتىماقتاستىقتى نىعاي­تۋ پرەزيدەنت ن.نازارباەۆتىڭ قاۋىپ­سىزدىك كەڭەسىنە ارنا­عان ءۇن­دەۋىن­دەگى نەگىزگى باسىمدىق­تاردىڭ ءبىرى ەكەنىنە توقتالدى. ق.توقاەۆ قا­زاق­ستان بۇۇ قۇرىلىمدارىمەن, ونىڭ ىشىندە ورتالىق ازياعا ار­نال­­عان پرەۆەنتيۆتى ديپلوما­تيا جونىندەگى ايماقتىق ورتالىق­پەن تى­عىز جانە ناتيجەلى ىنتىماق­تاس­­تىق­قا سەنىم ارتاتىنىن اتاپ كورسەتتى. ايتا كەتەيىك, كەزدەسۋگە وسى اي­ماق­تىق ورتالىقتىڭ باسشىسى, باس حاتشىنىڭ ارناۋلى وكىلى پەتكو دراگانوۆ تا قاتىستى. نۇرلىبەك دوسىباي, «ەگەمەن قازاقستان»