«تسيفرلى قازاقستان» ءۇشىن ەرەكشە قۋانىشتىمىز

ءبىزدىڭ بۋىن كەرەمەت ۋاقىتتا دۇنيەگە كەلىپ, ءومىر ءسۇرىپ جاتىر دەپ سانايمىن. سەبەبى, ءبىز تاۋەلسىز ەلدە تۋىپ, ەلىمىزدىڭ جىل ساناپ ساياسي, ەكونوميكالىق جانە الەۋمەتتىك تۇرعىدا نىعايىپ كەلە جاتقانىنا كۋا بولا ءجۇرىپ, وعان ءوز ۇلەسىمىزدى قوسۋ مۇمكىندىگىنە يە بولدىق. تاۋەلسىزدىكتىڭ 25 جىلىندا ەلباسى مەن حالقىمىز وراسان زور جۇمىستاردى اتقارىپ, قازاقستاندىقتار ءۇشىن دامۋدىڭ زور مۇمكىندىكتەرىن قالىپتاستىردى. اۆستريا مەن ەۋروپالىق وداق ەلدەرىنىڭ ازاماتتارى قازاقستان تۋرالى حاباردار, ولار ءبىزدىڭ مادەنيەتىمىزگە, ەلىمىزدىڭ جاستارىنا ۇلكەن قىزىعۋشىلىقپەن قارايدى. بىزگە جانە ەلىمىزگە دەگەن سىي-قۇرمەتتەرى ەرەكشە. بيىل ەلوردامىزدا ەكسپو-2017 حالىق­ارالىق كورمەسى وتپەك. جۋىر­دا عانا الماتى­دا دۇنيە­­جۇزىلىك ۋنيۆەر­سيا­دا-2017 مارە­­گە جەتتى. وسىنىڭ ءبارى – قازاق­ستان­­­نىڭ الەمدىك ارە­نادا مو­يىن­­­دالعانىنىڭ ايقىن بەلگىسى. مەملەكەت باسشىسىنىڭ 31 قاڭتار كۇنى قازاقستان حالقىنا ارناعان «قازاقستاننىڭ ءۇشىن­شى جاڭعىرۋى: جاھاندىق باسە­كەگە قابىلەتتىلىك» اتتى جول­داۋى ەلىمىزدىڭ ءال-اۋقاتىن ارت­­تىرۋعا باعىتتالعان ماڭىز­دى قادامداردىڭ ءبىرى دەپ ساناي­مىن. جاس بۋىن وكىلى رەتىن­دە, اسىرەسە, «تسيفرلى قازاق­ستان» باعدارلاماسى ءۇشىن ەرەك­شە قۋانىشتىمىن. سەبە­بى, بولا­شاق تەحنولوگياعا باي­لا­نىستى, تەح­نولوگيالىق تۇر­عى­­دا دامۋعا قول جەتكىزۋ باس­قا سا­لا­لارعا دا سەرپىن بەرە­دى. سو­نى­مەن قاتار, IT باع­دار­لاما­لار شىعىنداردى ازاي­تىپ, ۋاقىت­تى ۇنەمدەۋگە كومەك­تەسە­دى, ادام­دار ءوزارا اقپارات, تاۋار جانە قىزمەت تۇرلەرىن الماسا الاتىن بولادى. اۆسترياداعى قازاقستاندىق ستۋدەنتتەردىڭ پىكىرىنشە, بولا­شاقتا وتاندىق ونىمدەردى ەكس­پور­تتاۋ ەلىمىزدىڭ باسقا مەم­لە­كەت­تەرمەن اراداعى ساياسي بايلانىستارىن جاقسار­تىپ, ەكونوميكالىق ءال-اۋقاتى­مىز­دىڭ ارتۋىنا وڭ ىقپال ەتەدى. وتان­دىق ءوندىرىستى جولعا قويۋ, قاي­تا وڭدەۋ حالقىمىزدى ول ءونىم­­دەردىڭ شەتەلدىك بالاما­سى­نان باس تارتقىزىپ قانا قوي­ماي, ءوز ونىمدەرىمىزدى ماقتان تۇتۋ­عا, جاس­تاردىڭ ساناسىندا وتانشىل­دىق رۋحتىڭ كۇشەيۋىنە دە اسەر ەتەتىنى ءسوزسىز. بيلىك تارماقتارى اراسىندا وكىلەتتىكتەردى قايتا ءبولۋ ماسەلەلەرى دە باسقارۋ جۇيەسىنىڭ تيىمدىلىگىن ارتتىرىپ, از ۋاقىت ىشىندە ناتيجە بەرە باستايدى دەپ سەنەمىن. پارلامەنت پەن ۇكىمەتتىڭ ءرولىنىڭ كۇشەيۋى ولاردىڭ حالىق الدىنداعى جاۋاپكەرشىلىگىن ارتتىرۋعا ءتيىس. الەمدىك تاجىريبەدە بۇ­رىن­نان بار بۇل تاجىريبە ەلى­مىز­دەگى تۇراقتىلىقتىڭ ودان ءارى نىعايا تۇسەرىنە اسەر ەتەدى. قازىرگى تاڭدا قازاقستاننىڭ الەمدەگى ەڭ دامىعان ەلدەردىڭ قاتارىنان كورىنۋىنە مۇمكىندىك تۋىپ تۇر. ءاليحان اسقار, اۆسترياداعى قازاقستان ستۋدەنتتەرى قوعامىنىڭ پرەزيدەنتى