الداعى مىندەتتەر ايقىندالدى

كەشە ورال قالاسىندا وبلىس اك­تيۆى وتكىزىلدى. وندا قازاقستان رەس­پۋبليكاسىنىڭ پرەزيدەنتى اكىم­شىلىگىنىڭ باسشىسى اسلان مۋسين اكتيۆكە قاتىسۋشىلاردى ەلبا­سى­نىڭ باقتىقوجا ىزمۇحامبەتوۆتى باتىس قازاقستان وبلىسىنىڭ اكى­مى ەتىپ قايتا تاعايىنداعانى ءجو­نىن­دەگى جارلىعىمەن تانىستىردى. بۇدان سوڭ ب.ىزمۇحامبەتوۆ مەم­لەكەت باسشىسى مەن ءماسليحات دە­پۋتاتتارى كورسەتكەن جوعارى سەنىم بيىگىنەن كورىنۋگە بار كۇش-جىگەرىن جۇمسايتىنىن جەتكىزدى. اكتيۆتە ءسوز العان ەڭبەك ارداگەرى جايساڭ اقباي مەن ورال قا­لا­سىنداعى «زەنيت» زاۋىتىنىڭ دي­رەك­تورى ۆياچەسلاۆ ۆاليەۆ وبلىس باس­شىسىنىڭ بۇعان دەيىنگى اتقا­رىپ كەلگەن قىزمەتىنە وڭ باعا بەردى. ءارى ول اقجايىق وڭىرىندەگى جاسامپاز جوبالارعا باستاماشى بولا بىلگەنىن اتاپ كورسەتتى. اكتيۆ اياقتالار ساتتە ا.مۋسين با­تىسقازاقستاندىقتار الدىندا تۇر­­عان جاڭا مىندەتتەرگە توقتالدى. ءبى­رىڭعاي شيكىزاتتىق باعىتتان ءون­ىمدى تەرەڭ وڭدەۋگە كۇرت بەت­بۇ­رىس جاساۋ مەن جوبالاردى جۇزەگە اسىرۋدا تۇراقتىلىق سيپات قا­جەت­تىلىگىن العا تارتتى. وڭىردە اۋىز سۋمەن قامتىلماعان 38 ەلدى مەكەن بار ەكەنىنە جەرگىلىكتى اتقارۋشى ورگانداردىڭ نازارىن اۋداردى. تەمىر قۇسايىن. ورال.