تاقساي حانشايىمى

  باتىس قازاقستان وبلىسىنىڭ تەرەكتى اۋدانىنداعى تاقساي قورعانىنان 2012 جىلى تابىلعان اقسۇيەك سارمات ايەلىنىڭ قابىرى وتاندىق ارحەولوگيا عىلىمىنداعى زور تابىستىڭ ءبىرى رەتىندە ەسەپتەلەدى. قابىردەن ايەلدىڭ مۇردەسىمەن بىرگە اشەكەيلەرى, جاپىراقتى جاپسىرمالارى, بىلەزىكتەرى تابىلعان. جانە مۇنىڭ ءبارى التىننان بولاتىن. ەسىك قورعانىنان تابىلعان ايگىلى «التىن ادام» بەينەسىن قالپىنا كەلتىرگەن عالىم-رەستاۆراتور قىرىم التىنبەكتىڭ جەتەكشىلىگىمەن اقسۇيەك ايەلدىڭ ءمۇسىنى قايتا جاڭعىرتىلدى. قازىرگى تاڭدا «تاقساي حانشايىمى» دەگەن اتتى يەلەنگەن بۇل ەسكەرتكىش جادىگەردىڭ تۇپنۇسقاسى ۇلتتىق مۋزەيدە ساقتاۋلى تۇر. «تاقساي حانشايىمىنىڭ» قابىرىن عالىمدار ءبىزدىڭ زامانىمىزعا دەيىن V-ءVى عاسىرلارعا جاتقىزدى. بىراق, قايتىس بولعان ايەلدىڭ جاسى نەشەدە ەكەنى انىقتالماعان. جالپى, تاقساي كەشەنىنەن قابىردەن باسقا كوپتەگەن جادىگەرلەر تابىلعانى بۇقارالىق اقپارات قۇرالدارى ارقىلى ءمالىم بولعان-دى. «كەشەننەن تابىلعان جادىگەرلەردىڭ كوپتىگى مەن اقپاراتتىق تۇرعىداعى ءرولى ونى ماڭىزدى ەتە تۇسەدى. بۇل قورعاندى زەرتتەۋ ارقىلى وتاندىق عىلىمداعى ەڭ ءبىر ۇلكەن اشىلۋ جاسالدى», دەگەندى ايتقان ەدى ارحەولوگ. ايگۇل سەيىلوۆا, «ەگەمەن قازاقستان» سۋرەتتى تۇسىرگەن ورىنباي بالمۇرات, «ەگەمەن قازاقستان»