بۇل – وڭ وزگەرىستەر باعدارلاماسى

بيلىك تارماقتارى اراسىندا وكىلەتتىكتەردى قايتا ءبولۋ جونىندەگى اتقارىلىپ جاتقان جۇمىس ەلىمىزدەگى جالپى ساياسي رەفورمالاردىڭ ءبىر بولىگى رەتىندە قاراستىرىلۋى ءتيىس. قازاقستان بۇعان دەيىن «الدىمەن – ەكونوميكا, سودان كەيىن – ساياسات» دەگەن قاعادات­تى نەگىزگە الىپ كەلدى. ەلى­مىز­دىڭ بۇل باعىتتى ۇستانۋى­نا تاۋەلسىزدىك تاڭىنداعى ەكونوميكامىزدىڭ مۇشكىل ءحالى باستى سەبەپ بولدى دەسەك, قاتەلەسپەسپىز. شيرەك عاسىر وتە كەلە, ەلىمىزدىڭ بۇ­عا­نا­سى قاتىپ, دامىدى. قازاقستان ناق­­تى جەتىستىكتەرگە قول جەتكىزدى. دەگەن­مەن, ەلىمىزدىڭ الدىن­دا وزىق مەملە­­كەت­تە­ر­دىڭ قاتارى­نا قوسىلۋ مىندەتى تۇر. قازاق­ستاننىڭ ودان ءارى دامۋىنا, ساپالى وسۋىنە جاڭا شابىت, جاڭا سەرپىلىس قاجەت ەكەنى انىق. سوندىقتان ساياسي رەفور­مالاردى جۇرگىزۋ باعىتىنداعى باستاما ۋاقتىلى كوتەرىلىپ وتىر. بيلىك تارماقتارى ارا­سىندا وكىلەت­تىكتەردى قايتا ءبولۋدىڭ ۇزاق مەرزىمدەگى باستى ناتيجەسى: قۋاتتى پارلامەنت, جاۋاپ­تى اتقارۋشى بيلىك جانە تاۋەل­سىز سوت جۇيەسىنىڭ پايدا بولۋى. بۇل – تەك جاھان­دىق ۇردىسكە ىلەسۋ عانا ەمەس, سونىمەن بىرگە, قازاقستان­نىڭ تۇراقتى­لى­­عىنا, كەلەشەك وركەن­دەۋىنە تىكە­لەي اسەر ەتە­تىن وڭ وزگەرىستەر باعدار­لاماسى. ال بۇل رەفورمالار دەس­تەسىنىڭ كەلە­شەگىنە توقتالا­تىن بولساق, مەنىڭ ويىمشا, ساياسي رەفورمانىڭ كەل­ە­سى كەزەڭ­دەرىندە سوت جۇيەسىنىڭ تاۋەل­سىز­دىگى مەن جەرگىلىكتى بي­لىكتىڭ, ياعني اكىم­دىك­تەر مەن ءماسليحاتتاردىڭ وكىلەت­تىك­­تەرىن ارت­تىرۋعا ايرىقشا كوڭىل ءبولىن­سە, ەلىمىزدىڭ تۇراق­تى دامۋىنا ايتار­لىقتاي جاعىمدى اسەر تۋدىرار ەدى. جانبولات ۇسەنوۆ, ەۋرازيالىق كەڭەستىڭ حالىقارالىق قاتىناستار جونىندەگى ديرەكتورى