بولاشاققا باستايتىن سەنىم كوپىرى

قالىپتاسقان ءداستۇر بويىنشا, جىلدىڭ باسىن­دا قازاقستاندىقتار ەل­باسىنىڭ كەزەكتى جولداۋىن كۇتەدى. جالپى, جولداۋ كوپ­تەگەن ەلدە بار, بىراق قازاق­ستان پرەزيدەنتى ن.نازارباەۆ جولداۋدىڭ ەرەكشە فورماسىن جاسادى – ول بارشا حالىققا ارنال­­­عان. ءوزىنىڭ ماعىناسى بو­يىن­شا قازاق­ستان حالقىنا جولداۋ بەل­گىلى ءبىر دەموكراتيالىق باسقارۋ فور­ما­سىن بەرەدى. ودان كەيىن حالىق­تىڭ كەلەشەككە باسشىلار قۇرعان جوس­پارعا قاتىناسى انىقتالادى. مى­سالى, ەل ءوزىنىڭ الدىنا قويىلعان ەڭ بيىك ماقساتتارىنا جەتۋ ءۇشىن مەم­لە­كەتتە جانە قوعامدا قانداي ەرەك­شە­لىكتەر بولاتىندىعى, قانداي كەزەڭ­دەردەن وتەتىنى دەگەن سەكىلدى. پرە­زي­دەنتتىڭ ءار جولداۋى قۇجات ءارى باعدار­لاما جانە ءومىردىڭ شىنايى تىنىس-تىرشىلىگى قامتىلعاندىقتان, كەشەگى, بۇگىنگى, ەرتەڭگى ءومىرىمىزدىڭ ناقتى ايناسى. جىل سايىنعى جولداۋ ۇيلەسىمدى سۇلبا بويىنشا تۇرعىزىلادى: باسىندا پرەزيدەنت وتكەن جىل بو­يىنشا جەتكەن جەتىستىكتەردى جەت­كىزەدى جانە كەلەلى ماسەلەلەرگە توق­تالادى. سودان كەيىن ۇكىمەتكە جانە پارلامەنتكە ۋاقىتتارى جانە باسقا پارامەترلەرى بەلگىلەنگەن ناق­تى تاپسىرمالار بەرەدى. جىل بويى قازاق­ستان قوعامى ەلباسىنىڭ تاپسىرمالارىنىڭ ورىندالىپ جات­قان­دىعىن كورىپ وتىرادى – بۇل زاڭدارداعى وزگەرىستەر, ۇكىمەتتەگى شەشىمدەر, ورتالىق جانە جەرگىلىكتى اتقارۋشى ورگانداردىڭ ءىس-ارەكەتى. ءار جولداۋ مەملەكەتتىك ورگان­داردىڭ باسشىلارى, پارلامەنت جانە ءار دەڭگەيدەگى ءماسليحات­تار دەپۋ­تاتتارى, قوعام وكىلدەرى, بۇقارالىق اقپارات قۇرالدارىنىڭ ارالاسۋىمەن ءتۇسىندىرىلىپ وتىرا­دى. سوندىقتان ءبىزدىڭ قوعامدا ۇكى­مەت­تىڭ جانە جەرگىلىكتى اتقارۋ­شى ور­گان­داردىڭ ءىس-ارەكەتى الداعى ءمىن­دەت­تەر­دى ورىنداۋعا باعىتتالعاندى­ع­ى­نا, ەلباسى جولداۋىنىڭ كوزدە­گەن ماقس­اتىنىڭ ومىرشەڭدىگىنە, ەكونو­ميكانى كوتەرۋگە, قاۋىپسىز­دىكتى بەكىتۋگە جانە حالىق ءومىرىنىڭ جاقسارۋىنا باعىتتالعانىنا سەنىم زور. ءار جولعى جولداۋدا جىل سايىن جەتكەن جەتىستىكتەردى ەسەپكە الا وتىرىپ, قورشاعان ورتانى شىنايى وزگەرتۋ ءۇشىن كەلەسى كەزەڭگە جاڭا تاپسىرمالار قويادى. دۇنيە جۇزىندە كوپتەگەن ەلدەردىڭ ەكونوميكاسىندا داع­دارىس, جۇمىسسىزدىق جانە قوعام­دىق قاربالاس بولىپ جاتقان كەزدە, جولداۋدا جۇكتەلگەن مىندەتتەر مەن تاپسىرمالار جۇزەگە اسىرىلىپ, قازاقستان وزىندىك دامۋ جولىن لايىقتى جالعاستىرىپ كەلەدى. دۇنيە جۇزىندەگى قارجىلىق-ەكونوميكالىق داعدارىس كەزىندە قازاقستاندا جە­دەل­دەتىپ دامىتۋ باعدارلامالارى قابىل­داندى, كوپتەگەن جاڭا ءوندىرىس ورىندارى اشىلدى, وڭىرلەردەگى ينفراقۇرىلىمدار جاقساردى. ماڭعىستاۋ وبلىسىنىڭ توتەنشە جاعدايلار دەپارتامەنتىنىڭ باسشى­لىعى وسىدان شامالى ۋاقىت بۇرىن قالالىق جانە اۋداندىق توتەنشە جاعدايلار بولىمشەلەرىنە شىقتى جانە جەكە قۇرام الدىندا مەم­لەكەت باسشىسىنىڭ «قازاقستان­نىڭ ءۇشىنشى جاڭعىرۋى: جاھاندىق باسەكەگە قابى­لەتتىلىك» اتتى جول­داۋىن ءتۇسىن­دىرىپ قايتتى. ءتۇسىن­دىرۋ جۇمىس­تارى بارى­سىندا ازاماتتىق قورعاۋ قىز­مەتكەرلەرىنە مەملەكەت باسشى­سىنىڭ جولداۋىمەن بىرگە, «قازاقستان-2050» ستراتەگياسى­نىڭ جانە «100 ناقتى قادام» ۇلت جوسپارىنىڭ نەگىزگى باسىمدىق­تارى تۋرالى دا ايتىلدى, سون­داي-اق, سىبايلاس جەمقورلىقپەن كۇرەس, دەنساۋلىق ساقتاۋ, ءبىلىم بەرۋ جانە ازاماتتاردى الەۋمەتتىك قور­عاۋ, توتەنشە جاعدايلار كوميتەتى شەڭ­بەرىندە تابيعي جانە تەحنوگەن­دىك سيپاتتاعى حالىقتى, اۋماقتى قور­عاۋ­دى قامتاماسىز ەتۋدەگى با­سىم ماقسات­تار مەن تاپسىرمالار جەتكىزىلدى. ءاربىر سالادا جۇرگىزىلىپ جاتقان جۇمىستاردىڭ قاينار كوزى مەن باس­تاۋى دا, ودان ءارى دامۋى مەن جاڭ­عىرۋى دا ەلباسىنىڭ جىل سايىنعى جول­داۋلارىندا جاتقانى انىق. قۋانار بازارباەۆ, ماڭعىستاۋ وبلىسى توتەنشە جاعدايلار دەپارتامەنتىنىڭ باستىعى, ازاماتتىق قورعاۋ پولكوۆنيگى ماڭعىستاۋ وبلىسى