قازاقستاندا تەندەر وتكىزۋ تارتىبىنە وزگەرىس ەنگىزىلۋى مۇمكىن

قارجى ءمينيسترى باقىت سۇلتانوۆتىڭ ايتۋىنشا, 2017 جىلدىڭ سوڭىنا قاراي قازاقستاندا مەملەكەتتىك ساتىپ الۋلار əدەتتەگىدەي جىل باسىنان كەيىن بىرنەشە ايدان سوڭ ەمەس, قارجىلىق جىلمەن قاتار باستالۋى مۇمكىن, دەپ حابارلايدى قازاقپارات.  «ەندى ەڭ بىرىنشىدەن, بيۋدجەتتىڭ ساپاسىن ارتتىرۋعا كوڭىل بولەمىز. بارلىق دەڭگەيىندە جۇمىس جۇرگىزىلۋى كەرەك. ەڭ الدىمەن, بيۋدجەت دۇرىس جوسپارلاۋدان باستالادى. سوندىقتان, كەلگەن وتىنىشتەردىڭ تيىمدىلىگىنە قاراپ, باقىلاۋ كۇشەيەدى»,-دەيدى باقىت سۇلتانوۆ. قارجى ءمينيسترىنىڭ ايتۋىنشا, مەملەكەتتىك باعدارلامالاردىڭ ورىندالۋىنا ءبىرىنشى كۇننەن باستاپ مəن بەرىلىپ, مەملەكەتتىك ساتىپ الۋ تۋرالى زاڭعا ساي, كونكۋرسانت بىردەن باستالۋى مۇمكىن. «مىسالى, بىلتىردان باستاپ مەملەكەتتىك ساتىپ الۋ تۋرالى زاڭ شىقتى. بيۋدجەتتىك كودەكسكە وزگەرىستەر ەنگىزىلدى. سوعان سəيكەس, قارجىلىق جىل باستالماي تۇرىپ, كونكۋرستاردى باستاۋعا مۇمكىندىك بار. سونداي جۇمىستاردى əر مەملەكەتتىك مەكەمە ۋاقىتىلى جۇرگىزۋى كەرەك. بۇل ءۇردىس 2017 جىلدىڭ قاراشا-جەلتوقسان ايلارىندا باستالۋى مۇمكىن»,-دەيدى سۇلتانوۆ.