بۇۇ باس حاتشىسى انتونيو گۋتەررەش باس اسسامبلەيا وتىرىسىندا ۇيىم باسشىسىنىڭ ورىنباسارىنا باعىناتىن لاڭكەستىككە قارسى باسقارما قۇرۋدى ۇسىندى, دەپ جازادى World News Network.
باس حاتشىنىڭ ايتۋىنشا, بۇل باسقارما لاڭكەستىككە قارسى كۇرەستىڭ قازىرگى مانداتتارىن وزگەرتپەي, كەرىسىنشە, ونىڭ تيىمدىلىگىن ارتتىرادى. ياعني, ساياسي ماسەلەلەرگە ارنالعان دەپارتامەنت قۇرامىنداعى بۇۇ-نىڭ لاكەستىككە قارسى كۇرەس ورتالىعى مەن لاڭكەستىككە قارسى جاھاندىق ستراتەگيانى اتقاراتىن ماقساتتى توپ بىرىكتىرىلۋى مۇمكىن. - باسقارما مەن ارقىلى باس اسسامبلەيانى اقپاراتتاندىرىپ وتىراتىن بولادى. بۇرىنعىداي بىرنەشە قۇرىلىمعا تاۋەلدىلىك بولمايدى, دەدى گۋتەررەش.سونىمەن قاتار باس حاتشى جاڭا ورگان باسقا مەملەكەتتەردىڭ ىشكى ساياساتىنا ارالاسۋدى ماقسات ەتپەيتىنىن ايتتى.
