د. نازارباەۆا: «ازىق-ت ۇلىك ونىمدەرىنە ۇستەمەنى شەكتەۋ قاجەت»

پارلامەنت سەناتىندا داريعا نازارباەۆا باستاعان حالىقارالىق قاتىناستار, قورعانىس جانە قاۋىپسىزدىك كوميتەتى ازىق-ت ۇلىك قاۋىپسىزدىگىن قامتاماسىز ەتۋ ماسەلەلەرى بويىنشا اۋىل شارۋاشىلىعى مينيسترلىگىنىڭ باسشىلىعىمەن كەزدەستى, دەپ حابارلادى وسى پالاتانىڭ ءباسپاسوز قىزمەتى. د.نازارباەۆا مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنداعى باسىم باعىتتاردىڭ ءبىرى اگروونەركاسىپ كەشەنىن دامىتۋ ەكەنىنە كەزدەسۋگە قاتىسۋشىلاردىڭ نازارىن اۋداردى. اۋىل شارۋاشىلىعى ءمينيسترىنىڭ ءبىرىنشى ورىنباسارى ق.ايتۋعانوۆ سەناتورلاردى ەلدىڭ ازىق-ت ۇلىككە سۇرانىسىن وتاندىق ءوندىرىس ەسەبىنەن قامتاماسىز ەتۋ جانە اگروونەركاسىپ كەشەنىن مەملەكەتتىك قولداۋ شارالارى تۋرالى حاباردار ەتتى. بايانداماشى نەگىزگى ازىق-ت ۇلىك تاۋارلارىمەن ىشكى نارىقتى قامتاماسىز ەتۋ جاعدايى 80 پايىزدى قۇرايتىنىن اتاپ ءوتتى. بۇل رەتتە كۇرىش, قوي ەتى, جۇمىرتقا, استىق, نان, ارپامەن 100 پايىز قامتاماسىز ەتىلۋدە. ىشكى نارىقتاعى ەت تە (قۇس ەتىنەن باسقا) يمپورتقا تاۋەلدى ەمەس. سونىمەن بىرگە, وتاندىق ءوندىرىستىڭ جەكەلەگەن ونىمدەرى ىشكى تۇتىنۋ بارىسىندا ءالى دە تومەن دەڭگەيدە قالىپ وتىر. ول – قۇس ەتى (51,8 پايىز), سارى ماي (68,3 پايىز), ىرىمشىك پەن سۇزبە (56,5 پايىز), كۇنباعىس مايى (72,9 پايىز), كولباسا ونىمدەرى (58,7 پايىز), الما (58,0 پايىز), بالىق (65,5 پايىز). كوميتەت ءتورايىمى د.نازارباەۆا ازىق-ت ۇلىك ونىمدەرىنىڭ قىمباتتاۋىنا الاڭداۋشىلىق ءبىلدىردى جانە «ازىق-ت ۇلىك ونىمدەرىنە ساۋدا ۇستەمەسىن زاڭدى تۇردە شەكتەۋ قاجەت» ەكەنىن اتاپ ءوتتى.