2016 جىلى قىزىلوردا وبلىسىندا 133 اۋىل شارۋاشىلىعى كووپەراتيۆتەرى اشىلدى

2017 جىلى قىزىلوردا وبلىسىندا ۇساق تاۋار وندىرىستەرىن اۋىل شارۋاشىلىعى كووپەراتيۆتەرىنە بىرىكتىرىپ, ءوزىن-ءوزى جۇمىسپەن قامتىعانداردى شاعىن جانە ورتا بيزنەسكە جۇمىلدىرۋ جوسپارلانۋدا. بۇل تۋرالى قىزىلوردا وبلىسىنىڭ اكىمى قىرىمبەك كوشەرباەۆ 15 اقپان كۇنى وتكەن حالىققا ەسەپ بەرۋ كەزدەسۋىندە مالىمدەدى. -وتكەن جىلى وبلىستا قۇرىلعان 133 اۋىل شارۋاشىلىعى كووپەراتيۆتەرى ءوزىنىڭ قاتارىنا 700-دەن استام شاعىن تاۋار ءوندىرۋشى ءوندىرىستى بىرىكتىردى. ۇستىمىزدەگى جىلى تاعى 500 شاعىن تاۋار وندىرۋشىلەردى كووپەراتيۆتەرگە بىرىكتىرۋدى جوسپارلاۋدامىز. بۇل اگرارشىلاردىڭ مەملەكەتتىك سۋبسيديا الۋعا دا, نەسيەلىك رەسۋرستار الۋعا دا مۇمكىندىگىن جەڭىلدەتەدى,-  دەپ اتاپ ءوتتى ايماق باسشىسى. سونداي-اق, جۇمىسسىز جانە ءوزىن-ءوزى جۇمىسپەن قامتىعان اۋىل تۇرعىندارىن جۇمىسقا ورنالاستىرۋ ماسەلەسىنە ەرەكشە كوڭىل بولىنەدى. وتكەن جىلى ايماقتىق «قىزىلوردا» ينۆەستيتسيالىق ورتالىعى كاسىپكەرلەر پالاتاسىمەن بىرلەسىپ, «ميكروبيزنەس-قىزىلوردا» پيلوتتىق جوباسىن جۇزەگە اسىرا باستادى. 2016 جىلدىڭ وزىندە 774 ملن تەڭگەگە 124 جوبا جۇزەگە اسىرىلىپ, 400-دەن استام جاڭا جۇمىس ورىندارى قۇرىلدى. بۇل جەردە ايرىقشا باسىمدىق جەكە قوسالقى شارۋاشىلىقتاردىڭ الەۋەتىن پايدالانۋ جانە ولاردىڭ بازاسىندا ەت پەن ءسۇت باعىتىنداعى اۋىل شارۋاشىلىعى كووپەراتيۆتەرىن دامىتۋ بولىپ تابىلادى. -تاعى ءبىر ەرەكشە اتاپ وتەر جايت, ايماقتىق ينۆەستيتسيالىق ورتالىق قۇرىلعالى 2 جىل ىشىندە 1 ملرد تەڭگەدەن استام قارجىعا اۋىلدىق جەرلەردەگى 184 جوبا قارجىلاندىرىلدى. ولاردىڭ باسىم كوپشىلىگى (70 پايىزى) - جۇمىسىن العاشقى باستاعان كاسىپكەرلەر. ناتيجەسىندە, اۋىلدىق جەردە 650 جاڭا جۇمىس ورىندارى قۇرىلدى,- دەدى ق.كوشەرباەۆ.