2016 جىلى سىر ەلىندە شاعىن جانە ورتا بيزنەسكە 16 ملرد تەڭگە باعىتتالدى

سىر ەلىندە شاعىن جانە ورتا بيزنەس سالاسىندا 5 مىڭنان استام كاسىپورىن جۇمىس ىستەيدى.  بۇل جايىندا قىزىلوردا وبلىسىنىڭ اكىمى قىرىمبەك كوشەرباەۆ 15 اقپانداعى حالىق الدىنداعى  ەسەپتى كەزدەسۋىندە ايتتى. ءوزىن ءوزى جۇمىسپەن قامتۋشىلار مەن جۇمىسسىزداردى شاعىن كاسىپكەرلىك سالاسىنا تارتۋ ايماق ءۇشىن 2017 جىلعى نەگىزگى مىندەتتەردىڭ ءبىرى. مەملەكەت باسشىسى, شاعىن بيزنەس الەۋمەتتىك تۇراقتىلىقتى جانە ەكونوميكانىڭ تۇراقتىلىعىن قامتاماسىز ەتەدى دەپ اتاپ كورسەتكەن. - سوندىقتان, بىلتىر ءبىز شاعىن نەسيەلەندىرۋگە بولىنگەن قارجىنى 2015 جىلعا قاراعاندا 2,5 ەسەگە دەرلىك ۇلعايتتىق (2,5 ملرد تەڭگە).  شاعىن جانە ورتا بيزنەسكە, ونىڭ ىشىندە اگروونەركاسىپ سالاسى دا بار, بارلىق قاراجات كوزدەرىنەن 16 ملرد تەڭگە قارجى باعىتتالدى. بۇل 2015 جىلمەن سالىستىرعاندا 1,5 ەسە ارتىق, – دەپ اتاپ ءوتتى ق.كوشەرباەۆ. بۇگىندە وبلىستا سىر ءوڭىرىنىڭ ەكونوميكالىق جانە الەۋمەتتىك ءال-اۋقاتىنىڭ تۇراقتىلىعىنا تىكەلەي اسەر ەتەتىن 5 مىڭنان اسا ورتا جانە شاعىن كاسىپكەرلىكپەن  نىساندارى جانە 33 مىڭنان استام دارا كاسىپكەرلەر مەن شارۋا قوجالىقتارى جۇمىس ىستەيدى. بۇل سالادا 100 مىڭعا جۋىق ادام جۇمىسپەن قامتىلعان, بۇل وبلىستىڭ ەكونوميكالىق بەلسەندى تۇرعىندارىنىڭ ۇشتەن ءبىرى دەگەن ءسوز.