قىزىلوردا وبلىسىندا وڭدەۋ ونەكاسىبى سەرپىندى دامۋدا

ايماقتا جەرگىلىكتى شيكىزاتتى وڭدەيتىن, ونىمدەرى الەمدىك نارىقتا سۇرانىسقا يە بولاتىن بىرقاتار كاسىپورىندار سالىنۋدا. بۇل جونىندە قىزىلوردا وبلىسىنىڭ اكىمى قىرىمبەك كوشەرباەۆ 15 اقپانداعى حالىقپەن ەسەپ بەرۋ كەزدەسۋىندە حابارلادى. 2016 جىلى ەكى بىردەي تسەمەنت زاۋىتتارىنىڭ قۇرىلىسى باستالدى. جاڭاقورعان اۋدانىندا قۇرىلىس تسەمەنتى ءوندىرىسى جانە شيەلى اۋدانىندا تامپوناجدى تسەمەنت ءوندىرىسى. بۇل ەكى جوبا بويىنشا ينۆەستيتسيانىڭ  كولەمى 74 ملرد تەڭگەنى قۇرايدى. ولاردى جۇزەگە اسىرۋ شامامەن 400 جاڭا جۇمىس ورنىن قۇرۋعا مۇمكىندىك بەرەدى. زاۋىتتاردى 2018 جىلدىڭ باسىندا ىسكە قوسۋ جوسپارلانعان. «ارال قالاسىندا «ارالتۇز» اكتسيونەرلىك قوعامىمەن قۋاتتىلىعى 300 توننالىق كالتسيلەندىرىلگەن سودا زاۋىتىنىڭ قۇرىلىس جوباسىن جۇزەگە اسىرۋعا «قازاقستان دامۋ بانكى» ارقىلى قارجىلاندىرۋ ماسەلەلەرى شەشىلدى. بۇل ەلىمىزدىڭ بارلىق قاجەتتىلىكتەرىنىڭ 75 پايىز وتەيتىن رەسپۋبليكاداعى بىردەن ءبىر زاماناۋي كالتسيلەندىرىلگەن سودا شىعاراتىن زاۋىت بولماق. ايتقانداي, يندۋستريالاندىرۋ كارتاسى اياسىندا وندىرىسكە يسپان تسەحىنىڭ ىسكە قوسىلۋى ناتيجەسىندە «ارالتۇز» بۇگىنگى تاڭدا ءوز ءونىمىنىڭ 60 پايىزىن شەت ەلگە ەكسپورتتۋدا. سوڭعى ەكى جىلدىڭ وزىندە زاۋىت رەسەيدىڭ اس تۇزى نارىعىنىڭ 12 پايىزىن يەلەندى. ال, 2016 جىلى كاسىپورىن اس جانە تەحنيكالىق تۇز شىعاراتىن ەكىنشى تسەحتى ىسكە قوستى. ناتيجەسىندە, قۇرعاقتىلىعى نولدىك اس تۇزىن ءوندىرۋ كولەمى جەتى ەسە ۇلعايدى. شىعارىلاتىن ونىمدەردىڭ ءتۇرى كوبەيدى جانە قوسىمشا 200-دەن استام جۇمىس ورنى قۇرىلۋدا», – دەپ مالىمدەدى وبلىس اكىمى. قىزىلوردا قالاسىنىڭ يندۋستريالاندىرۋ ايماعىندا ۇشوكسيدتىك موليبدەن ءوندىرىسى بويىنشا («تريمو» جشس) كاسىپورىن جۇمىسىن باستايدى. كاسىپورىننىڭ ونىمدەرى اتوم ەنەرگەتيكاسى مەن  اۆياتسيالىق-عارىشتىق تەحنيكادا, ميكرو جانە وپتوەلەكترونيكادا پايدالانىلادى. وسى ورايدا, ونىمدەردى جاپونياعا ەكسپورتتاۋ جوسپارلانۋدا.