الداعى ءۇش جىلدا 1290 اۋىلعا ينتەرنەت جەتكىزەمىز - اباەۆ

قر اقپارات جانە كوممۋنيكاتسيالار ءمينيسترى داۋرەن اباەۆ پارلامەنت ءماجىلىسىنىڭ پلەنارلى وتىرىسىندا قازاقستان اۋىلدارىن جوعارى جىلدامدىقتى يتنتەرنەتپەن قامتاماسىز ەتۋ جوباسى تۋرالى مالىمدەدى, دەپ جازادى tengrinews.kz. "ۇكىمەت بۇل ماسەلەنى باقىلاۋدا ۇستاپ وتىر. ءبىز "قازاقتەلەكوم", "ترانستەلەكوم" كومپانيالارىمەن بىرلەسىپ اۋىلداردى جوعارى جىلدامدىقتى يتنتەرنەتپەن قامتاماسىز ەتۋ جوباسىن دايىنداپ جاتىرمىز. ءبىرىنشى كەزەڭدە مەملەكەتتىك-جەكە مەنشىك ارىپتەستىك اياسىندا الداعى ەكى جىلدا 1 290 اۋىلدى عالامتورمەن قامتاماسىز ەتۋ جوسپارلانعان. ناتيجەسىندە 2 ملن-نان استام ازامات ساپالى ينتەرنەتكە قول جەتكىزەدى. ال وسى جىلدىڭ سوڭىنا دەيىن راديوجەلىلىك ستانتسيالار قۇرىلىسىن جوسپارلاپ وتىرمىز. رەسپۋبليكانىڭ اۋدان ورتالىقتارىن 4G فورماتىنداعى ينتەرنەتپەن قامتاماسىز ەتپەكپىز", - دەدى اباەۆ. ءمينيستردىڭ ايتۋىنشا, 2017-2019 جىلدارى 1 291 اۋىلعا عالامتور تارتىلسا, قالعان 4 مىڭ اۋىل جوبانىڭ ەكىنشى كەزەڭى, ياعني 2020-2025 جىلدار ارالىعىندا قامتاماسىز ەتىلمەك. "ەكىنشى كەزەڭدە ءبىز ينتەرنەتتى سىممەن ەمەس, سپۋتنيكتىك ادىسپەن تارتۋىمىز مۇمكىن. بۇل ۇلكەن الەۋمەتتىك جوبا, ونى مەملەكەت تە ءتۇسىنىپ وتىر", - دەدى اباەۆ.