ۇلتتىق قاۋىپسىزدىك كوميتەتىنە جەمقورلىق قىلمىستارىن تەرگەۋ قۇزىرەتى بەرىلمەك

ۇلتتىق قاۋىپسىزدىك كوميتەتىنە جەمقورلىققا قارسى كۇرەس قىزمەتىنە قاتىستى ىستەردى تەرگەۋگە قۇقىق بەرۋ ۇسىنىلدى, - دەپ حابارلايدى Tengrinews.kz. بۇل تۋرالى ماجىلىستە قۇقىق قورعاۋ جۇيەسىن جەتىلدىرۋ ماسەلەلەرى بويىنشا زاڭ جوباسىن تانىستىرۋ كەزىندە باس پروكۋرودىڭ ورىنباسارى يوگان مەركەل مالىمدەدى. "ۇلتتىق قاۋىپسىزدىك كوميتەتىنە ارنايى ورگاندار, سىبايلاس جەمقورلىققا قارسى ءىس-قيمىل قىزمەتى مەن اكەريلەرگە قاتىستى جەمقورلىققا بايلانىستى قىلمىستىق ىستەردى جۇرگىزۋگە قۇقىق بەرۋ ۇسىنىلدى. بۇل تەكسەرىس ولاردىڭ قىزمەتتىك ەرەكشىلىگىنە بايلانىستى", - دەدى مەركەل. سونىمەن بىرگە, قۇقىق قورعاۋ جۇيەسىن جەتىلدىرۋ ماسەلەلەرى بويىنشا زاڭ جوباسى شەڭبەرىندە تەرگەۋشى پروكۋرور شەشىمىنە شاعىمدانا الادى. پروكۋروردىڭ سوتالدى قىلمىستىق ءىستى ءوز وندىرىسىنە قابىلداۋدىڭ ەرەجەلەرى مەن شەگى زاڭمەن بەكىتىلەدى. ال قازاقستان رەسپۋبليكاسىنىڭ باس پروكۋرورى قىلمىستىق-پروتسەسۋالدى كودەكسپەن بەكىتىلگەن تەرگەۋ بىرىزدىلىگىنە قاراماستان ءىستى پروكۋرور تەرگەۋىنە بەرۋگە قۇقىلى. سونىمەن بىرگە, زاڭ جوباسى شەڭبەرىندە تەرگەۋشى سۋديانىڭ قاماۋعا الۋ شەشىمىن شىعارۋ بويىنشا وكىلەتتىگى ارتادى.