ماڭعىستاۋدا "وتاندىق سانگەرلەر قاۋىمداستىعى" قۇرىلدى

ايەلدەر ەشقاشان قيىندىقتان قاشقان ەمەس. قيىندىعى مول, جاۋاپكەرشىلىگى جوعارى بيزنەستىڭ دە تىزگىنىن بەكەم ۇستاپ كەلەدى. ءار باعىتتاعى بيزنەستىڭ تاسىن ورگە دومالاتىپ جۇرگەن ايەلدەر ماڭعىستاۋدا "وتاندىق سانگەرلەردىڭ قاۋىمداستىعىن" قۇردى. قاۋىمداستىقتىڭ جاس ءسان­گەر­لەرگە بەرەرى كوپ بولماق. ءسان الەمىنە ەندى اياق باسقان كاسىپكەرلەرگە قولداۋ ءبىلدىرىپ, كاسىبي تۇرعىدا كەڭەس بەرۋمەن بىرگە, وزگە ايماقتارداعى سانگەر­لەرمەن ارىپتەستىك باي­لانىس ورناتۋ, شەتەلدىك مامان­دارمەن تاجىريبە الماسۋ, ءسان الەمىندەگى جاڭا تەحنو­­لو­گيالارمەن جۇمىس جاساۋ­­دى ۇتىمدى پايدالانۋ ماسەلەلەرى دە نازاردان تىس قال­مايدى. قاۋىمداستىقتىڭ قۇرىلتايشىلارى ءتۇرلى دارەجە­دەگى تاجىريبە ساعاتتارىن وتكى­­زۋدى, سانگەرلەر اراسىندا باي­قاۋ ۇيىم­داستىرۋدى, ەڭ ۇزدىك سانگەردىڭ ونىمدەرىن رەسپۋب­ليكالىق جانە حا­لىقارالىق نا­رىققا شىعا­رۋدى كوزدەيدى. ماڭعىستاۋلىق سانگەرلەر قولدا بار ۇلگىنى زاماناۋي جە­­تىلدىرىپ, قازاقستاننىڭ تۇك­­پىر-تۇكپىرىنە ەرەكشە ءسان ۇلگى­­سىندەگى ۇلتتىق كيىمدەردى شى­­عارۋمەن تانىلىپ كەلەدى. وڭىردە وتاندىق كيىمدەر تىگۋ­مەن اينالىساتىن 30-دان استام سانگەر جۇمىس ىستەۋ­دە. قىزىعۋشىلىق تانىتۋشىلار دا از ەمەس. ەندى سانگەر­لەر ۇلتتىق كيىمدەرمەن بىرگە كۇندەلىكتى كيەتىن كيىم, كەش­كىلىك, بالالارعا جانە جۇكتى ايەلدەرگە ارنالعان كيىم ۇلگى­سىن ۇسىنۋدى, سونداي-اق, قا­زاقتىڭ ۇلتتىق كيىمدەرىن سىرت­قى نا­رىققا شىعارۋدى جوس­پارلاۋدا. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى