سيريا ماسەلەسى بويىنشا كەزدەسۋ ءبىر كۇنگە شەگەرىلدى

استانا پروتسەسى اياسىنداعى سيريا داعدارىسىن رەتتەۋگە ارنالعان كەزەكتى وتىرىستىڭ ۋاقىتى ءبىر كۇنگە شەگەرىلدى, دەپ حابارلايدى قر سىرتقى ىستەر مينيسترلىگىنىڭ ءباسپاسوز قىزمەتى. «استانا پروتسەسسى اياسىنداعى سيريا داعدارىسىن رەتتەۋگە ارنالعان جوعارى دەڭگەيدەگى كەزەكتى كەزدەسۋ 2017 جىلدىڭ 16 اقپانى كۇنى 12:00-دە باستالادى. كەزدەسۋدىڭ ۋاقىتى تەحنيكالىق سەبەپتەرگە بايلانىستى شەگەرىلدى», - دەلىنگەن رەسمي حابارلامادا. ايتا كەتەيىك, كەزدەسۋ بۇگىن, 15 اقپان كۇنى باستالۋى ءتيىس ەدى. قازاقپارات مالىمەتى بويىنشا وندا سيريا جەرىندە اسكەري ءىس-قيمىلدى توقتاتۋ رەجىمىن ساقتاۋ ماسەلەلەرى, سونىڭ ىشىندە ناقتى تەرريتوريالاردا اxۋالدى تۇراقتاندىرۋ جايى ءسوز بولادى دەگەن جوسپار بار. سونداي-اق, بىرلەسكەن شۇعىل توپ تۋرالى ەرەجە قابىلدانىپ, بىتىمگەرلىك رەجىمدى كۇشەيتۋ جانە جەنەۆا كەلىسسوزدەرى الدىنداعى باسقا دا شارالار تالقىعا سالىنباق. سيرياداعى اتىستى توقتاتۋعا كەپىلدىك بەرىپ وتىرعان رەسەي, تۇركيا مەن يران مەملەكەتتەرىنىڭ xابارلاۋىنشا, استاناداعى كەزەكتى كەزدەسۋگە يوردانيا كورولدىگى, سيريا اراب رەسپۋبليكاسى, سول جەردەگى قارۋلى وپپوزيتسيانىڭ وكىلدەرى, بۇۇ باس xاتشىسىنىڭ ارنايى وكىلى س. دە ميستۋرا, سونداي-اق اقش باقىلاۋشى رەتىندە شاقىرىلىپ وتىر.