اقپاننىڭ ايازدى سۋىق كۇندەرى وبلىس ورتالىعىنداعى لوموۆ كوشەسى بويىنداعى سۋ قۇبىرى جارىلىپ, سەنبى-جەكسەنبى كۇندەرى تاعى دا اپاتتى جاعداي ورىن الدى. پاتەرلەرىمىز, سۋسىز, جارىقسىز قالدى. قالالىق اكىمدىك اپاتتى بولىكتەردى سۋدان اجىراتىپ, كەشكە قاراي اپاتتىڭ الدىن الۋ ءۇشىن قىسىم تومەندەتىلىپتى. سونىمەن, 12 اقپان ءتۇنى تاڭعى ساعات 5-كە قاراي سۋ تولىق ءوشىرىلىپ, جوندەۋ جۇمىستارى جۇرگىزىلدى. 13 اقپان كۇنى قالاعا سۋ قايتا جىبەرىلدى. تاعى دا اپات دەيتىنىمىز, لەرمونتوۆ پەن ءبىرىنشى ماي كوشەلەرىنىڭ قيىلىسىندا كارىز جۇيەلەرىنىڭ بىتەلىپ قالۋىنا بايلانىستى وتكەن جىلى قاراشا ايىندا توتەنشە جاعداي جاريالاندى. اپات سالدارىنان قالاداعى 11 تۇرعىن ءۇي, بىرنەشە الەۋمەتتىك نىساندار سۋسىز قالعان-دى. كارىز جۇيەسىندەگى ورتالىق كوللەكتور 45 جىل بۇرىن ىسكە قوسىلعاندىقتان, قولدانىستان شىعاتىن ۋاقىتى جەتكەن كورىنەدى. بىلتىر قۇبىرلار جارىلىپ, قاقاعان قىستا وبلىس ورتالىعىنىڭ 7,5 مىڭ تۇرعىنى 5 كۇن سۋىق پاتەرلەردە قالدى.
جەلىلەردەگى كەز كەلگەن اقاۋلىقتى اپاتتىق جاعداي دەپ تانىپ, ونى ءبىر تاۋلىك ىشىندە جويۋ قاجەت. قۇبىرلار مەن جەلىلەردىڭ ابدەن توزىعى جەتكەنى جىل سايىن ايتىلىپ كەلە جاتقان ماسەلە. بىراق, ناقتى ءىس جوق.
اپات سالدارىنان قازىر مەكتەپتەردە ساباقتار ساعات 8-دەن 10-عا دەيىن قىسقارتىلعان تۇردە وتكىزىلۋدە. بالاباقشالار جابىق.
فاريدا بىقاي, «ەگەمەن قازاقستان»
پاۆلودار
