حالىققا جىلۋ بەرۋ تۇراقتى, كوشە جارىعى سوندىرىلمەيدى

«ەگەمەن قازاقستان» گازەتىنىڭ 2017 جىلعى قاڭتار ايىنىڭ 30-ىنشى جۇلدىزىنداعى سانىندا جۋرناليست راۋشان نۇعمان­بەكوۆانىڭ «قالجىراعان» قازاندىق, قالتىراعان حالىق» اتتى ماقالاسى شىققان ەدى. ماقالادا باس مەردىگەر «دا­نيار ي سەك» جشس-ءنىڭ جاۋاپسىز­دىعىنان «35-ءىنشى كۆارتال» جانە «زووۆەتينستيتۋت» قازاندىق­تارىنداعى كەشىكتىرىلگەن بىرقا­تار جىلۋ ماسەلەسى تۋرالى ايتىلعان بولاتىن. قازىرگى ۋاقىتتا بۇل قازاندىقتار تولىق جۇمىس ىستەپ تۇر. حالىق جىلۋمەن تۇراقتى قامتىلعان. ءاربىر ايتىلعان سىن-ەسكەرت­پە, كوتەرىلگەن ماسەلە قالا اكىمى ەرماك ءسالىموۆتىڭ تىكەلەي نازارىندا. ماقالادا ايتىلعان قازاندىقتار ەرتىستىڭ وڭ جاعالاۋىندا ورنالاسقان. سول سياقتى, سول جاعالاۋداعى «تسەمەنتشىلەر كەنتىن» دە جىلۋمەن قامتاماسىز ەتۋ ماسەلەسى ءبىراز ۋاقىت بويى حالىقتى مازالاپ كەلدى. اتالعان اۋدانعا «رك-1» قازاندىعى قىزمەت كورسەتەدى. العاشقى ايازدار باستالعان كەزدە وسى «رك-1»-دەگى №1, 2 جانە № 3 قازاندىقتار جىلۋ بەرگەن بولاتىن. دەگەنمەن, تۇرعىندارعا اتالعان جىلۋ ورتالىعىنىڭ قاجەتتى جىلۋ مولشەرى جەتپە­گەندىكتەن, قوسىمشا جاڭادان سالىنعان №6 جانە №7 قازان­دىقتار دا كومەك رەتىندە ىسكە قوسىلدى. بۇگىندە «رك-1»-دە 5 قازان­دىق ءۇزىلىسسىز ءارى وتە جاقسى جۇمىس ىستەپ تۇر دەپ حالىقتى ەل گازەتى «ەگەمەن قازاقستان» ارقىلى قۋانتقىمىز كەلەدى. جانە تاعى ءبىر قازاندىق قوسالقى رەتىندە قوسىمشا ساقتالۋدا. قاجەت بولىپ جاتسا ول دا ىسكە قوسىلادى. «تسەمەنتشىلەر كەنتىن» جىلۋ ەنەرگياسىمەن قامتاماسىز ەتۋدە قازىر ەشقانداي قورقىنىش, بوگەت جوق. بىراق, تاعى ءبىر مارتە ەسكەرە كەتەر جايت, جەكەلەگەن پاتەرلەردەگى قۇبىرلاردى رەتكە كەلتىرىپ, ءۇيدىڭ ىشىندەگى جىلۋ جۇيەسىن, جىلۋ قۇبىرلارىن قالىپتى جاعدايدا ۇستاۋ پيك نەمەسە ءوزىن-ءوزى باسقارۋ ۇيىم­دارى ورگاندارىنىڭ تىكەلەي مىندەتى. سونداي-اق, 2016 جىلدىڭ قاراشا ايىنىڭ 24-ءشى جۇلدىزىنان باستاپ, سەمەي قالاسىنىڭ اكىمى ەرماك ءسالىموۆ «Facebook» الەۋمەتتىك جەلىسىندە ءوز پاراقشاسىن رەسمي تۇردە اشتى. بۇگىنگى كۇنى اتالعان جەلىگە 245 ازامات ۇسىنىس-پىكىرلەرى مەن ءوتىنىش-تىلەكتەرىن جولداپ ۇلگەرگەن. سونىڭ ىشىندە تۇنگى كوشە جارىعىنا دا قاتىستى بىرقاتار ماسەلەلەر ايتىلىپتى. سەمەيدىڭ ەلەكتر ەنەرگياسى, جارىق پروبلەمالارى «ەگەمەن قازاقستان» گازەتىندە دە كوتەرىلگەن بولاتىن. سوعان وراي جاۋابىمىز, بۇگىنگى كۇنى سەمەي قالاسىندا قالالىق تۇكش ءبولىمى قىزمەت كورسەتەتىن 7 مىڭنان استام جارىق كوزدەرى جۇمىس ىستەپ تۇر. بەكىتىلگەن كەستەگە سايكەس, بۇرىن تۇنگى جارىق بەرۋ قاراڭعى تۇسكەننەن تۇنگى 01.00-گە دەيىن, سوسىن تاڭعى 07.00-دەن كۇن شىققانشا بەرىلەتىن. 28 قاراشادان باستاپ, ازاماتتاردىڭ كوپتەگەن ۇسىنىستارىنا وراي, سەمەي قالاسىنىڭ اكىمى ەرماك ءسالىموۆ شاھار كوشەلەرىن تۇنگى ۋاقىتتا تۇراقتى جارىقپەن قامتاماسىز ەتۋدى ۇيعاردى. بۇل شارا 2017 جىلدىڭ ءبىرىنشى توقسانى بويىنا جالعاسىن تاپپاق. ەندى, اتالعان شەشىمگە سايكەس, كوشە جارىعى ساعات كەشكى 17.00-دەن تاڭعى 07.00-گە دەيىن ءۇزىلىسسىز بەرىلەدى. ءبىر سوزبەن ايتقاندا, سەمەيدىڭ جىلۋى بۇل كۇندەرى تۇراقتى, جارىعى قالىپتى. حالىقتىڭ الەۋمەتتىك جاعدايىنا الاڭداۋشىلىق تانىتقان «ەگەمەن قازاقستان» گازەتىنىڭ ۇجىمىنا راحمەتىمىزدى ايتىپ, ەل يگىلىگىنە وراي بىرىگىپ ەڭبەك ەتە بەرەيىك دەگىمىز كەلەدى. نۇرجان ەسەنجولوۆ, سەمەي قالاسى اكىمىنىڭ ءباسپاسوز حاتشىسى سەمەي