ءجاسوسپىرىمدى جارعا يتەرمەلەگەن كىم؟ «سيني كيت» سولتۇستىك وڭىرگە دە جەتتى

تاياۋدا وبلىس ورتالىعىندا مەك­­تەپ ديرەكتورلارىنىڭ شۇعىل ق­ا­تىستىرىلۋىمەن جابىق ەسىك جاع­داي­ىندا جيىن ءوتتى. وعان كۇشتىك قۇ­رىلىمدار مەن ءبىلىم سالاسىنىڭ وكىل­دە­رى عانا شاقىرىلدى. ولار­دىڭ اياق­استى جينالۋىنا رەسەي­دىڭ بارناۋل قالاسىنان سو­عىل­عان تەلە­­فون شىلدىرى سەبەپ بولعان. كور­شى ەلدەن حابارلاسقان ايەل پەترو­پاۆلدىق وقۋشىنىڭ وزىنە ءوزى قول سالۋعا وقتالىپ جۇرگەنىن, جەدەل الدىن الماسا, ولىمگە اپاراتىن ويىن­نىڭ قۇربانىنا اينالاتىنىن جەت­كىز­گەن. سودان كەيىن عانا ءتيىستى ورىندار قاۋىرت قيمىلعا كوشىپ, ابىروي بول­­عاندا, ءجاسوسپىرىم اجالدان امان قال­­عان. ونى قۇتقارىپ قالۋعا ءدا­رى­گەر­لەر دە جۇمىلدىرىلىپ, پسي­حو­نەۆ­رولوگيالىق ديسپانسەرگە جات­­قى­زىلعان. بارناۋلدىق تۇرعىن دەر كە­زىندە ەسكەرتپەگەندە, بۇل وقي­عا­نىڭ سوڭى نەگە سوقتىراتىنىن كوز­­گە ەلەس­تەتۋدىڭ ءوزى قيىن. 16 جاس­تا­­عى جاس­وسپىرىم قىزدى سۋيتسيد­كە اپا­­رار جول­دان دەر كەزىندە اراشا­لاپ قال­عان بەي­تانىس جاننىڭ الەۋ­مەت­تىك ج­ە­لى­دە­گى پاراقشاعا قالاي تاپ بولعانى ءالى كۇنگە دەيىن قۇپيا. بۇگىندە جاستاردى ينتەرنەت ار­قىلى ءومىر سۇرۋدەن ءتۇڭىلدىرىپ, ءوز-وزىنە قول سالۋعا ماجبۇرلەپ جۇرگەن نەشە ءتۇرلى سويقان «ويىنداردىڭ» جاۋىننان كەيىنگى ساڭىراۋقۇلاقشا قاپتاپ بارا جاتقانى جاسىرىن ەمەس. رەسەيدە «ۆ كونتاكتە» الەۋ­مەتتىك جەلىسىندەگى اتىشۋ­لى ءولىم­گە شاقىرۋ توپتارىنا قا­تىس­تى كۇ­دىكتىلەردىڭ ۇستالعانى ءما­لىم. سو­لاردىڭ ءبىرى, «سيني كيت» ويىنىن ويلاپ تاپقان فيليپپ بۋ­دەي­كين كامەلەتكە تولماعان با­لا­­لاردى اشىق تۇردە ءوز-وزىنە قول جۇم­­ساۋعا كوندىرىپ وتىر­عان. ءتۇبى سۋي­تسيدكە اكەلەتىن قا­ۋ­ىپتى ويىن­­دار­دىڭ ەلىمىزدە دە ەتەك الا باس­تا­عانى جونىندە دابىل قا­عۋشىلار نەگىزىنەن 9-13 جاس ارا­لى­عىنداعى جەتكىنشىكتەردىڭ, پسي­حو­لوگيالىق تۇرعىدان ءالسىز با­لا­لار­دىڭ كوبىرەك بەيىم ەكەنىن ايتادى. جاسىراتىنى جوق, ءبىز ءالى كۇنگە دەيىن مىنا ءبىر جامان ادەتتەن ارىلا الماي كەلەمىز. بولعان وقي­عا­نى بوياماسىز, سول قالپىندا كور­سەتۋدىڭ ورنىنا سىلاپ-سيپاپ, جا­سىرۋعا اۋەسپىز. «ءبارى جاقسى» دەگەن كەيىپ تانىتامىز. وسىنداي نەمقۇرايدىلىق سالدارىنان جاس­تارىمىزدى تۋرا جولعا سالۋدىڭ ورنىنا جارىق كۇندە اداستىرىپ ءجۇرمىز. انا جىلدارى ەسىل اۋدانىنا قاراستى كاسىپتىك-تەحنيكالىق كوللەدجدە سۋيتسيدكە قاتىستى بىرنەشە وقىس وقيعا ورىن ال­دى. سول-اق ەكەن, تەكسەرۋشىلەر جان-جاقتان قاراقۇرتشا قاپتاپ, باس­­شىلىق پەن پسيحولوگتاردى ءمۇي­ىز­دەدى. بىرجاقتى كىنالاۋ, قار­ا­لاۋ با­سا ايتىلىپ, سونىمەن ءبارى تى­­نى­ش­تالدى. سوعان قاراعاندا, قور­دا­لانعان پروبلەمالاردىڭ سال­دا­رىمەن عانا كۇرەسىپ جۇرگەن ءتا­رىز­­دىمىز. سەبەپتەرىن اشىق ايتۋ­دىڭ, تالقىلاۋدىڭ, الدىن الۋ­دىڭ, بول­دىر­ماۋدىڭ كەشەندى جۇ­­مىس­تا­رىن جۇرگىزۋدىڭ ورنىنا ناۋ­قا­ن­­شىل­دىقپەن شەكتەلىپ ءجۇر­گەن­­دەي اسەر قالدىرادى. بىلتىر قى­زىل­جار وڭىرىندە جاستاردى سۋيتسيدكە ماجبۇرلەيتىن 41 سايت جابىلىپ, 5 سايتتىڭ جۇمىس ىستەۋىنە توس­قاۋىل قويىلعان. ءجون-اق. دەسەك تە, مۇن­داي الەۋمەتتىك كونتەنتتەردى انىق­تاۋداعى سىلبىر­لىق­تىڭ ءبىر ۇشى مەكتەپتەرمەن, وقۋ­شى­لارمەن تى­عىز قارىم-قاتىناس جا­ساۋدىڭ, ناق­تى جاعدايدى ساراپ­تاپ-تالداپ وتى­رۋ­دىڭ ورنىنا قاعازباستىلىققا, تسيفر­لار­عا كو­بى­رەك يەك ارتاتىنىمىزدا جا­تىر. كۇشتەۋ-زورلاۋ ارقىلى تىيىم سالا الماسىمىز انىق. پارلامەنت دە­پۋتاتتارىنىڭ 16 جاسقا تولماعان با­لالاردىڭ الەۋ­­­مەتتىك جەلىگە كى­رۋى­نە زاڭ ار­قى­­­­ل­ى تىيىم سالۋ تۋ­را­لى ۇسى­نى­سى­­­نا بايلانىستى ناق­تى بايلام جا­­­­سايتىن مەزگىل جە­ت­كە­نىن عا­­لام­­تور جەلىلەرىندەگى نەبىر سۇم­دىق وقي­­عالار اڭداتقانداي. وسىن­داي شە­­شۋشى قادامدار قاجەت-اق. مۇن­­داي تاجىريبە وركەنيەتتى ەل­دەر­دە بار. ەكىنشىدەن, سۋيتسيدكە قا­تىستى ءما­سەلەمەن تىكەلەي قاي قۇ­­­زىر­لى ورىن اينالىساتىنىن تاپ با­­سىپ اي­تۋ قيىن. ءبىر-بىرىنە ءسىل­تەي سا­لۋ تى­عىرىقتان شىعۋدىڭ جو­لى ەمەس. تاعى ءبىر مىسال. جاقىندا جەر­گى­­لىكتى مۇعالىمدەردىڭ ءبىرى 13-14 جاس­تاعى بىرنەشە وقۋشىنىڭ قو­لىن­داعى كۇرەتامىرىنىڭ جارا­قات­­تانعانىن بايقاپ قالىپ, دابىل قاق­تى. پروكۋراتۋرا, وبلىستىق, قا­­لالىق ءبىلىم سالاسىنىڭ قىز­مەت­­كەر­لەرىنىڭ, اتا-انالاردىڭ قا­تى­س­ۋىمەن وتكەن جيىندا ولاردىڭ قاۋ­ىپتى ويىندارعا تارتىلعانى ءما­لىم بول­دى. پسيحولوگتىڭ جەكە قىر­ا­عى­­لىعى ارقاسىندا وڭ-سولىن تانىپ ءۇل­­گەر­مەگەن جاسوسپىرىمدەر كەزەكتى ءولىم تۇزاعىنان امان قالدى. ەگەر اڭ­­داماسا قايتەر ەدى دەگەن سۋىق وي سۋ­­ماڭداپ قويا بەرەدى وسىندايدا. بۇگىندە قازاقستاندا ولىمگە جە­­تەلەيتىن ويىنداردىڭ اعاشقى قۇر­باندارى بەلگىلى بولىپ وتىر. قانشاما جەتكىنشەك ومىرمەن قوشتاسۋعا بەل بۋىپ وتىرعانىن ويلاۋدىڭ ءوزى قورقىنىشتى... ءومىر ەسقالي, «ەگەمەن قازاقستان» سولتۇستىك قازاقستان وبلىسى