جاڭاشىلدىق باستاۋى

قازىرگى زامان تالابىنا ساي كرەاتيۆتى وقۋشىعا قاجەتتى ءبىلىم­دى مەڭگەرتۋدىڭ ءتيىمدى جولدارى مەن ءادىس-تاسىلدەرىن ءىز­دەس­تىرۋ, ياعني سول تالاپقا ساي بولۋ ءار ۇستازدىڭ مىندەتى. ەل­با­سىمىز نۇرسۇلتان نازارباەۆتىڭ: «بىزگە كەرەگى – شىن دارىندار», دەگەن ءسوزى بار. سوندىقتان وقۋشىنىڭ جەكە تۇل­عاسىن قالىپتاستىرۋدا كرەاتيۆتىلىكتىڭ قانداي ما­ڭى­زى بارىن زەردەلەپ, كرەاتيۆتى ويلاۋ قابىلەتىن دامى­تۋ­دى قازاق ءتىلىن وقىتۋ ماسەلەسىمەن بايلانىستىرۋ وقۋ­شى­نىڭ ساباققا دەگەن قىزىعۋشىلىعىن ارتتىرادى دەپ ويلايمىن. «كرەاتيۆ» ءسوزى ادامنىڭ شىعارماشىلىق دارىن دەڭگەيى, شىعارماشىلىق قابىلەتى دەگەن ماعىنانى بىلدىرەدى. قازاق ءتىلىن باستاۋىش سىنىپتاردا قىزىعا مەڭگەر­گەن وقۋشىلار جوعارى سىنىپقا بارعاندا قىزىعۋ­شىلىعى تومەندەي باستايدى. كرەاتيۆتى وقىتۋ ءادىس-ءتاسىل­دەرىن قازاق ءتىلى مەن ادەبيەتى پاندەرىنە ۇنەمى قول­دا­نىپ, وقۋشىلاردىڭ شىعارماشىلىق ىزدەنىم­پاز­دىعىن ەسكەرە وتىرىپ وقىتۋ ارقىلى ەڭبەكتىڭ ناتيجەسىن كورۋگە بولادى. ويتكەنى, جالاڭ ءسوز ناتيجە بەرمەيدى, وقۋشىنىڭ زەردەسىنە جەتپەيدى. سوندىقتان ادەبي تۋىندىنى تالداعان كەزدە وقۋشى ءوز بەتىمەن شىعارمانى وقىپ, زەرتتەپ, زەردەلەپ, ىزدەنۋ جۇمىستارىن جۇرگىزەدى. وسىلايشا, شىعارمانى تالداۋدا, قورىتىندىلاۋدا, ءوز وي-پىكىرلەرىن ەركىن جەت­كىزە الادى. ونى وقۋشىلارعا شىعارما جۇمىستارىندا ءادىس­تە­مەلىك جاعىنان دۇرىس تۇرلەندىرىلىپ بەرىلگەن تاپسىرما ارقىلى ىسكە اسىرۋعا بولادى. سوندا ساباق ۇستىندە مۇعالىم تەك باعىتتاۋشى جانە باقىلاۋشى قىزمەتىن اتقارادى. زامان تالابىنا ساي ساپالى ءبىلىم الۋ مەن ءبىلىم بەرۋ­­دىڭ ىڭعايلىلىعىن, جۇيەلىلىگىن قامتاماسىز ەتۋ ماق­­سات­ىن­دا وقۋشىلاردى بەلسەندى ارەكەتكە ۇيرەتۋدە مۇ­­عا­لىم سوعان ساي وقىتۋ ادىستەرىن دە تاڭداي ءبىلۋى قا­جەت. جۇسىپبەك ايماۋىتوۆ «مۇعالىمنىڭ اينالىساتىنى – ۇنە­مى قوزعالىپ, وزگەرىپ, وركەندەيتىن ءتىرى ادام بول­عان­دىق­تان, بىركەلكى ادىستەن تابان اۋدارماي, شەكتەلىپ قالۋعا بول­­مايد­ى. ساباق بەرۋ ۇيرەنشىكتى جاي شەبەرلىك ەمەس, ول – ۇنەمى جاڭادان جاڭانى تاباتىن ونەر», دەپ جازعان ەكەن. سون­­دىق­تان, جاڭاشىلدىقتى ەنگىزە ءبىلۋ دە بىلىكتىلىك. جاينا بەكەنبايقىزى, بولشە-چۋراكوۆ ورتا مەكتەبىنىڭ قازاق ءتىلى مەن ادەبيەتى پاندەرىنىڭ مۇعالىمى قوستاناي وبلىسى, التىنسارين اۋدانى