وزبەكستاندا رەسمي ساپارمەن بولدى

جاقىندا قازاقستان حالقى اسسامبلەياسىنىڭ دەلەگاتسياسى وزبەكستان رەسپۋبليكاسىندا رەسمي ساپارمەن بولدى, دەپ حابارلادى وسى ۆەدومستۆونىڭ ءباسپاسوز قىزمەتى. دەلەگاتسيا قۇرامىنا قا­زاق­­ستان حالقى اسسامبلەياسى ءتور­ا­عا­سىنىڭ ورىنباسار­لارى ە.ل.توع­جانوۆ, ر.س.حال­مۋ­رادوۆ, قحا عىلىمي-ساراپ­شى­لىق كەڭە­سى توراعاسىنىڭ ورىن­باسارى, قا­زاقستان پرەزي­دەنتى جانىن­داعى مەملە­كەتتىك قىزمەت اكادە­مياسى ور­تالىق ازيا ءوڭىرىن­دەگى ەتنو­س­ارالىق جانە كونفەس­سيا­­ارالىق قاتىناستاردى زەرت­تەۋ ورتالىعىنىڭ باسشىسى ا.ك.ءسا­دۋاقاسوۆا, قازاق­ستان وزبەك­تەرى «دۋستليك» قاۋ­ىم­­­داس­تىعى­نىڭ ءتور­اعاسى ي.ا.حاشيم­جانوۆ, وڭ­­تۇس­­تىك قازاقستان وبلىسى ءماس­ليحاتىنىڭ دەپۋتاتى ب.ي.نى­­­شانقۇلوۆ, سونداي-اق «قا­زاقستان كورەيلەرىنىڭ قاۋىم­­­داستىعى» قب, «تاڭ» تاتار-باشقۇرت مادەني ورتا­لىعى» قب, «قازاقستان ۇيعىر­لارى­نىڭ رەس­پۋبليكالىق مادەني ورتالىعى» قب وكىلدەرى كىردى. دەلەگاتسيا وزبەكستان رەس­­پۋب­­ليكاسى پارلامەنتى زاڭ شى­عارۋ پالاتاسى سپيكەرى­نىڭ ورىنباسارى ب.اليحا­نوۆ­پەن, وزبەكستان رەس­پۋب­ليكاسى پارلامەنت سەنا­تى توراعاسىنىڭ ءبىرىنشى ورىن­باسارى س.سافاەۆپەن, وزبەك­ستان رەسپۋبليكالىق ينتەر­نا­تسيونالدىق مادەني ورتالىعىنىڭ ديرەكتورى ن.مۇحامماديەۆپەن بىرقاتار ەكىجاقتى كەزدەسۋلەر وتكىزدى. كەزدەسۋ بارىسىندا قازاقستان مەن وزبەكستاننىڭ ءوزارا ءىس-قيمىل جاساۋىنىڭ وزەكتى ماسەلەلەرى, قوعامدىق كەلىسىم مەن تۇسىنىستىكتى قامتاماسىز ەتۋ, ازاماتتىق ءبى­رە­­گەيلىكتى نىعايتۋ تاجىريبەسى قارا­لىپ, ىنتىماقتاستىقتىڭ جاڭا قىرلارى, سونداي-اق قازاق­­ستان حالقى اسسامبلەياسى مەن ءوز­بەك­ستان رەسپۋبليكالىق ينتەرنا­تسيو­نالدىق مادەني ورتا­لىعى اراسىندا مەموران­دۋمعا قول قويۋ نيەتى تۋرالى ءسوز بولدى. وزبەكستانداعى قازاق ۇلت­تىق مادەني ورتالىعىنىڭ باس­­شى­لىعىمەن جانە بەلسەن­دى مۇشە­لەرىمەن كەزدەسۋ ساپاردىڭ نەگىزگى ءىس-شارالارى­نىڭ بىرىنە اينالدى. ونىڭ سوڭىندا قازاقستان حالقى اس­سامبلەياسىنان سىي – كوم­پيۋتەرلىك تەحنيكا مەن قا­زاقستاندىق اۆتورلاردىڭ قازاق مادەنيەتىنە, قوعامدىق كەلىسىم مەن بىرلىككە ارنالعان كىتاپتارى تابىس ەتىلدى. وزبەكستاننىڭ ەتنومادەني بىرلەستىكتەر وكىلدەرى مەن ساراپشىلارى قحا دەلەگا­تسيا­سىنىڭ مۇشەلەرىمەن وتكىزگەن دوڭگەلەك ۇستەلدە ولارعا ن.ءا.نازارباەۆتىڭ قوعامدىق كەلىسىم مەن جال­پى­ۇلت­تىق بىرلىكتىڭ قازاقستاندىق مودەلى تانىستىرىلدى, سونداي-اق «قازاقستان-وزبەكستان» دوس­تىق قوعامىن قۇرۋ تۋرالى ۋاع­­دالاستىققا قول جەتكىزىلدى. ىن­تى­ماق­تاستىق بويىنشا ءبىر­­لەسكەن عىلىمي-زەرتتەۋ جانە اعار­تۋشىلىق جوبالاردى دامىتۋ, شەكارا بويىنداعى ىنتى­ماق­تاستىق, ادەبيەت الماسۋ, ەكى ەل جاستارىنا ارنالعان ءىس-شارا­لار وتكىزۋ بولىگىندە ناقتى ۇسىنىستار جاسالدى.